پاکستان کرکٹ ٹیم کا دورہ بنگلہ دیش، قومی اسکواڈ کا پہلا دستہ کراچی سے ڈھاکہ کے لیے براستہ دبئی روانہ ہو گیا

منگل 15 جولائی 2025 23:20

راولپنڈی (اُردو پوائنٹ اخبارتازہ ترین - اے پی پی۔ 15 جولائی2025ء) پاکستان کرکٹ ٹیم کا دورہ بنگلہ دیش، قومی اسکواڈ کا پہلا دستہ کراچی سے ڈھاکہ کے لیے براستہ دبئی روانہ ہو گیا ہے۔

(جاری ہے)

پی سی بی کے مطابق پہلے گروپ میں شامل کھلاڑیوں میں سلمان علی آغا، صائم ایوب، فخر زمان، محمد نواز، ابرار احمد، خوشدل شاہ اور فہیم اشرف شامل ہیں جبکہ ان کے ہمراہ سپورٹ اسٹاف کے ارکان بھی موجود ہیں۔ دوسرا گروپ 16 جولائی کی صبح کراچی سے روانہ ہو گا جو باقی کھلاڑیوں اور آفیشلز پر مشتمل ہو گا۔ پاکستان اور بنگلہ دیش کے درمیان تین ٹی 20 انٹرنیشنل میچز پر مشتمل سیریز 20 جولائی سے شروع ہو گی۔ یہ تینوں میچز شیر بنگلہ نیشنل اسٹیڈیم، ڈھاکہ میں کھیلے جائیں گے۔