Live Updates

کوہستان اسکینڈل میں ملوث عناصر کو نشان عبرت بنایا جائے، نیب سے تعاون کرنا چاہیے، اعظم سواتی

اگر بانی پی ٹی آئی عمران خان کے خلاف عدت کا کیس بن سکتا ہے، تو میرے خلاف اپنا مکان بیچنے کا کیس بھی بن سکتا ہے، گفتگو

جمعرات 17 جولائی 2025 20:10

پشاور(اُردو پوائنٹ اخبارتازہ ترین - این این آئی۔ 17 جولائی2025ء)پاکستان تحریک انصاف کے رہنما اعظم سواتی نے کہا ہے کہ ہمیں نیب سے تعاون کرنا چاہیے، نیب بڑے اچھے طریقے سے کوہستان اسکینڈل کی تحقیقات کر رہا ہی, جنہوں نے خیبرپختونخوا (کے پی) کے وسائل کو نقصان پہنچایا انہیں عبرت ناک سزا دی جائے، نیب کی کارکردگی پر انہیں داد دیتا ہوں۔ پشاور میں نیب کے دفتر میں پیشی کے بعد میڈیا سے گفتگو کرتے ہوئے اعظم سواتی نے کہا کہ اگر بانی پی ٹی آئی عمران خان کے خلاف عدت کا کیس بن سکتا ہے، تو میرے خلاف اپنا مکان بیچنے کا کیس بھی بن سکتا ہے۔

انہوں نے کہا کہ کوہستان اسکینڈل میں جس نے کرپشن کی، ان کو عبرت ناک سزا دی جائے۔اعظم سواتی نے کہا کہ نیب دفتر آیا تھا، پہلے بھی بڑے وزیروں کو کرپشن پر جیل بھیجا گیا ہے، مکان کی فروخت کی تمام دستاویزات نیب کے حوالے کر دی ہیں، مکان جس نے خریدا تھا وہ رئیل اسٹیٹ کا ایجنٹ تھا۔

(جاری ہے)

انہوں نے کہا کہ ہمیں نیب سے تعاون کرنا چاہیے، جنہوں نے خیبرپختونخوا (کے پی) کے وسائل کو نقصان پہنچایا انہیں عبرت ناک سزا دی جائے، نیب کی کارکردگی پر انہیں داد دیتا ہوں۔سابق وفاقی وزیر نے کہا کہ نیب بڑے اچھے طریقے سے کوہستان اسکینڈل کی تحقیقات کر رہا ہے، میں نے مکان فروخت کیا ہے، نیب نے ریکوری کے بعد بیچنا ہو تو 61 کروڑ روپے قیمت دوں گا۔