3پی سی بی ریجنل انٹر ڈسٹرکٹ سینئر ( کراچی ریجن ) افنان خان ،محمد رضا کی جارحانہ باؤلنگ۔ اسد اختر کا آل راؤنڈ کھیل۔زون چار اور زون دو کی شاندار کامیابی

×کراچی (اُردو پوائنٹ اخبارتازہ ترین - آن لائن۔ 18 جولائی2025ء)پاکستان کرکٹ بورڈ کے زیر اہتمام منعقد کردہ پی سی بی ریجنل انٹر ڈسٹرکٹ سینئر ( کراچی ریجن ) کے چوتھے راؤنڈ کے تین روزہ میچ کے دوسرے روز چار نے زون سات کو 6 وکٹوں سے اور زون دو نے زون پانچ کو۔ وکٹوں سے شکست دے کر 9-9 قیمتی پوائنٹس حاصل کر لئے۔زون سات کی پہلی اننگز 125 رنز کے جواب میں زون چار نے گزشتہ روز کے 181 رنز 4 وکٹوں کے نقصان پر اپنی پہلی اننگز دوبارہ شروع کی اور پوری ٹیم 4۔

73 اوورز میں 300 رنز بنا کر آوٹ ہوگئی۔ محمد افضل نے 14 چوکوں ایک چھکے کی مدد سے 87 ، یاسر مشتاق نے 4 چوکوں کی مدد 59، عادل علی نے 8 چوکوں کی مد د 47، عمران شاہ نے 31، اور ارسلان فرزند نے 29 بنائے۔ لیفٹ ارم لیگ اسپنر فواد خان نے 29 رنز دیکر 4، ظفر علی نے 55 رنز دیکر 3 اور نجیب الرحمان نے 2 کھلاڑیوں کو آوٹ کیا۔

(جاری ہے)

زون سات نے 175 رنز کے خسارے کے بعد اپنی دوسری دوسری اننگز میں 1۔

55 اوورز میں 200 رنز بنا کر آوٹ ہوگئی۔آ شر احمد نے 37، فواد خان نے 26، ظفر علی خان نے 26 رنز ناٹ آوٹ، حظیفہ منیر ،غنی سبحان نے 23 رنز بنائے۔ لیفٹ ارم لیگ اسپنر افنان خان نے جارحانہ باؤلنگ کرتے ہوئے 48 رنز دیکر 7 اور میچ میں 80 رنز دیکر 9 کھلاڑیوں کو آوٹ کیا۔ جبکہ طلحہٰ احسن نے 2 کھلاڑیوں کو آوٹ کیا۔ میچ جیتنے کیلئے درکار 28 رنز زون نے 4 وکٹوں کے نقصان پر بنا لئے۔

یو بی ایل اسپورٹس کمپلیکس پر کھیلے گئے دوسرے میچ میں زون ایک کی پہلی اننگز کے 201 رنز کے جواب میں زون چھ نے اپنی پہلی اننگز گزشتہ روز کے اسکور 2 وکٹوں پر 30 رنز دوبارہ شروع کی اور پوری ٹیم 36 اوورز میں 121 رنز بنا کر آوٹ ہوگئی۔ حیدر عباس نے 35، عاشر احمد نے 25 اور ارباز خان نے 22 رنز بنائے۔ میڈیم پیسر محمد رضا نے جارحانہ باؤلنگ کرتے ہوئے 26 رنز دیکر 5 جبکہ فضل سبحان نے 5 اور رحمان غنی نے 31 رنز دیکر 2-2 کو آوٹ کیا۔

زون ایک نے پہلی اننگز کی 80 رنز کی برتری کے بعد اپنی دوسری اننگز میں 2۔58 اوورز 162 رنز بنا کر آوٹ ہوگئی۔ عمار اقبال نے 5 چو کوں ایک چھکے کی مدد سے 41، فرمان احمد نے 34، فضل سبحان نے 29، زبیر دلاور نے 22 رنز بنائے۔ طیب حسین نے 39 رنز دیکر 4، سیف اللہ نے 53 رنز دیکر 3 اور محمد عثمان نے 2 کھلاڑیوں کو آوٹ کیا۔زون چھ کو میچ جیتنے کیلئے درکار 242 رنز کے تعاقب زون چھ نے دوسرے دن کے اختتام پر بغیر کسی کے نقصان 14 رنز بنا لئے۔

بقائی کرکٹ گراونڈ پر کھیلے گئے تیسرے میچ میں زون پانچ کی پہلی اننگز کے اسکور 179 رنز کے جواب میں زون دو نے اپنی پہلی اننگز 4 وکٹوں کے نقصان پر 185 رنز پر دوبارہ شروع کی اور 3۔69 اوورز میں 304 رنز بنا کر آوٹ ہوگئی محمد سہیل خان نے شاندار بیٹنگ کرتے ہوئے 5 چوکوں 4 چھکوں کی مد د سے 71، علی حسن نے 6 چو کوں 2 چھکوں کی مد د سے 56،حسان جعفری نے 51 ،وہاج ریاض نے 44 اور عمر فاروق نے 43 رنز بنائے۔

سیف اللہ خان نے 84 رنز دیکر 4 اور ساحل اقبال نے 2 کھلاڑیوں کو آوٹ کیا۔ زون پانچ نے 125 رنز کے خسارے کے بعد اپنی دوسری اننگز میں بنا کر آوٹ ہوگئی۔ محمد حسان اقبال نے شاندار بیٹنگ کرتے ہوئے 14 چوکوں کی مدد سے 87 محمد علی بٹ نے 42 ، شعیب خان نے 35 اور سید شاہ رضا 30 رنز بنائے۔ دوسری اننگز میں جیت کے لیے درکار 94 رنز 3 وکٹوں کے نقصان پر بنا ہے اسد اختر نے شاندار بیٹنگ کرتے ہوئے 6 چوکوں 5 چھکوں کی مدد سے ناقابل شکست 65 رنز بنائے۔ اسد اختر نے میچ میں 72 رنز دیکر 9 کھلاڑیوں کو آوٹ کیا۔