پاکستان کشمیریوں کو حق دلانے کے لئے ہر فورم پر آواز اٹھاتا رہے گا،وزیراعلی پنجاب کا کشمیری یوم الحاق پاکستان پر خصوصی پیغام

ہفتہ 19 جولائی 2025 16:10

لاہور (اُردو پوائنٹ اخبارتازہ ترین - اے پی پی۔ 19 جولائی2025ء) وزیراعلی پنجاب مریم نواز شریف نے کہا ہے کہ پاکستان کشمیریوں کو حق دلانے کیلئے ہر فورم پر آواز اٹھاتا رہے گا،19 جولائی 1947 کو کشمیری بھائیوں نے پاکستان کے ساتھ الحاق کی قرارداد منظور کر کے منزل کا تعین کیا۔

(جاری ہے)

ہفتہ کو کشمیری یوم الحاق پاکستان کے موقع پر جاری خصوصی پیغام میں وزیراعلی پنجاب نے کہا کہ 19 جولائی 1947 کو کشمیری بھائیوں نے پاکستان کے ساتھ الحاق کی قرارداد منظور کر کے منزل کا تعین کیا ،الحاق پاکستان قرارداد اس بات کی گواہ ہے کہ کشمیریوں کا دل ہمیشہ پاکستان کے ساتھ دھڑکتا ہے۔

وزیر اعلی پنجاب نے کہا کہ کشمیری عوام دہائیوں بعد بھی حق خودارادیت ملنے کے منتظر ہیں، انہوں نے کہا کہ مظلوم کشمیری بہن بھائیوں کی جدوجہد، قربانیوں اور لازوال حوصلے کو سلام پیش کرتی ہوں ،پاکستان ہر محاذ پر کشمیریوں کی سیاسی، اخلاقی اور سفارتی حمایت جاری رکھے گا۔