مودی کے نقشِ قدم پر چلتے بھارتی کرکٹرز نے کھیل کو نفرت کی نذر کر دیا، شیری رحمان

میدانِ جنگ میں شکست، سفارت کاری میں ناکامی، اور اب کھیل سے فرار بھارت ہر محاذ پر شرمندگی کا سامنا ہے،نائب صدر

اتوار 20 جولائی 2025 17:10

اسلام آباد (اُردو پوائنٹ اخبارتازہ ترین - این این آئی۔ 20 جولائی2025ء)نائب صدر پیپلز پارٹی سینیٹر شیری رحمان نے بھارت کی جانب سے لیجنڈز کرکٹ لیگ میں پاکستان کے خلاف کھیلنے سے انکار پر شدید ردعمل کا اظہار کرتے ہوئے کہاہے کہ مودی کے نقشِ قدم پر چلتے بھارتی کرکٹرز نے کھیل کو نفرت کی نذر کر دیا، میدانِ جنگ میں شکست، سفارت کاری میں ناکامی، اور اب کھیل سے فرار بھارت ہر محاذ پر شرمندگی کا سامنا ہے۔

(جاری ہے)

انہوںنے کہاکہ بھارتی کھلاڑیوں کا نفرت اور تعصب سے آلودہ طرزِ عمل ان کی مودی پرست ذہنیت کی عکاسی کرتا ہے، کھیل تو امن، رواداری اور باہمی احترام کے پیغامبر ہوتے ہیں، مگر بھارت نے یہاں بھی تنگ نظری کا مظاہرہ کیا۔ انہوںنے کہاکہ پاکستان کا نام سنتے ہی مودی سرکار کے اعصاب جواب دے جاتے ہیں، اور ان کے کھلاڑی میدان سے راہِ فرار اختیار کر لیتے ہیں۔ شیری رحمن نے کہاکہ کھیل کے بجائے نفرت کے ایجنڈے پر کاربند بھارتی رویہ خطے کے امن اور اسپورٹس مین شپ کے لیے خطرہ ہے۔