امریکا ،سکھ فار جسٹس کا بھارتی یوم آزادی سے متعلق بڑا اعلان

کیا جے شنکر 15اگست کو ترنگا بچانے واشنگٹن آئیں گی گرپتونت سنگھ پنوں

پیر 21 جولائی 2025 18:01

واشنگٹن(اُردو پوائنٹ اخبارتازہ ترین - این این آئی۔ 21 جولائی2025ء)امریکا میں سکھ فارجسٹس کی جانب سے بھارتی یوم آزادی کے حوالے سے بڑا اعلان کیا گیا ہے۔غیرملکی خبررساں ادارے کے مطابق سکھوں کے حقوق کی آواز بلند کرنے والی تنظیم سکھ فار جسٹس کی جانب سے امریکا میں بھارتی یوم آزادی سے متعلق دبنگ اعلان کیا گیا ۔

(جاری ہے)

تنظیم نے بھارتی یومِ آزادی 15 اگست کو واشنگٹن میں بھارتی سفارتخانے کے باہر ریلی کا اعلان کیا ہے۔

سکھ فار جسٹس بھارتی سفارتخانے کے سامنے بھارتی جھنڈے کو نذر آتش کرے گی،اس کے علاوہ تنظیم 17اگست کو واشنگٹن ڈی سی میں خالصتان ریفرنڈم منعقد کرے گی ۔سکھ فار جسٹس کے جنرل کونسلر گرپتونت سنگھ پنوں کے مطابق واشنگٹن میں بھارتی سفارتخانہ دہشت گرد سرگرمیوں کا گڑھ ہے۔ انہوں نے کہا کہ2047 تک بھارت کے ٹکڑے ہو جائیں گے، کیا جے شنکر 15اگست کو ترنگا بچانے واشنگٹن آئیں گی ۔