جموں و کشمیر کا بھولا ہوا بیانیہ تحقیقی کتاب ،عالمی ضمیر جھنجھوڑنے کیلئے قلمبند کی گئی ہے ،چوہدری سعود سلطان

برمنگھم(اُردو پوائنٹ اخبارتازہ ترین - این این آئی۔ 23 جولائی2025ء)صدر ریاست آزاد جموں و کشمیر بیرسٹر سلطان محمود چوہدری کے فرزند نوجوان مصنف چوہدری سعود سلطان نے اپنی لکھی ہوئی کتاب جموں و کشمیر کا بھولا ہوا بیانیہ کے حوالے سے برمنگھم میں پر ہجوم پریس کانفرنس سے خطاب کرتے ہوئے اس کتاب کی اہمیت افادیت اور مسئلہ کشمیر کے حوالے سے اس کے اثرات کتاب کے مختلف ابواب پر تفصیلی روشنی ڈالتے ہوئے کہا ہے کہ جموں و کشمیر کا بھولا ہوا بیانیہ ایک تحقیقی کتاب ہے جسے لکھنے میں دو سال کا عرصہ لگا یہ کتاب بین الاقوامی معیار کی ہے جو عالمی ضمیر جھنجھوڑنے کیلئے قلمبند کی گئی ہے اس کتاب میں کشمیر کاز کا وہ بیانیہ پیش کیا گیا ہے جو برسوں سے عالمی فورموں پر مسخ اور نظر انداز کیا جاتا رہا ہے اب میری اس کتاب کی شکل میں کشمیر کاز کا اصلی اور حقیقی بیانیہ تحریری صورت میں دنیا کے سامنے آ گیا ہے جس سے عالمی برادری کو کشمیر کے اصلی بیانیہ کو سمجھنے میں مدد ملے گی میری کتاب کے کل گیارہ ابواب ہیں اور 250 صفحات ہیں یہ کتاب اس لیے بھی اپنی نوعیت کی ایک منفرد کتاب ہے کہ اس میں 50 صفحات صرف حوالہ جات کے لیے ہیں میں نے اس کتاب میں جو بیانیہ پیش کیا اسے دلائل اور حقائق کی روشنی میں بیان کیا اس کی سپورٹ میں کتاب میں ریفرنس دئیے تاکہ قارئین کو ہر بات کی حقیقت سمجھ آ سکے میں نے کتاب کے آغاز کے چند ابواب میں اقوام متحدہ میں بھارت کی جانب سے 1947 میں پیش کردہ موقف کو دلائل حوالہ جات اور تاریخی تناظر میں پرکھ کر غلط ثابت کیا ہے اسی طرح کتاب کے آخری ابواب میں میں نے آزاد کشمیر اور مقبوضہ کشمیر میں عوام کو حاصل آزادی کا تقابلی جائزہ پیش کیا ہے اس سلسلہ میں آذاد کشمیر میں موجود مہاجرین سے میں نے انٹرویو کیے اور دیگر ذرائع سے معلومات حاصل کر کے میں نے ثابت کیا ہے کہ ہمیں آزاد کشمیر میں مقبوضہ کشمیر کی نسبت زیادہ آزادی حاصل ہے۔

(جاری ہے)

اس موقع پرکشمیر پیس فورم انٹرنیشنل برطانیہ کے صدر و صدارتی مشیر بیرسٹر کرامت حسین پاکستان پریس کلب مڈلینڈ برمنگھم کے صدر ناصر محمود راجہ جنرل سیکرٹری عادل اعظم کشمیر پیس فورم یاسین ملک رہائی کمیٹی کے لیگل ایڈوائزر بیرسٹر محمد حفیظ کشمیر پیس فورم انٹرنیشنل کے زیر اہتمام MOU سائین کرنے والی پوری ٹیم سابق وزیر آذاد حکومت ریاست جموں و کشمیر راجہ جاوید اقبال فوکل پرسن وفاقی حکومت سمندر پار پاکستان محنت و افرادی قوت چوہدری شاہ نواز۔

MW trust کے چیئرمین و سینئر نائب صدر پاکستان پیپلز پارٹی مڈلینڈ اختر محمود مرزا سابق مشیر واجد برکی مسلم لیگ ن کے مرکزی رہنما چوہدری اسلم آذاد مسلم لیگ ن علما مشائخ ونگ سے صاحبزادہ فاروق القادری پیپلز یوتھ سے چوہدری آفتاب کشمیر پیس فورم برمنگھم کے درچوہدری عبدالغفور کھاڑک پاکستان چوہدری اشتیاق لہڑی چوہدری افضل چوہدری شہزاد حسین چوہدری محمد حسین پاکستان پریس کلب برطانیہ جنرل سیکریٹری ساجد یوسف، عرفان طاہر سرفراز موسیٰ پاکستان پریس کلب مڈلینڈ ممبران مجلس عاملہ آصف محمود براہٹلوی عابد کاظمی شہزاد اقبال مغل، کونسلر وحید راسب اور دیگر اوورسیز رہنما موجودتھے ۔

چوہدری سعود سلطان نے مختلف اوورسیز رہنماؤں کو اپنی لکھی گئی کتاب پیش کی اس موقع پر چوہدری سعود سلطان نے صحافیوں کے مختلف سوالات کے جوابات بھی دئیے ۔