پاکستان اور سعودی عرب کے تعلقات مشترکہ عقیدے اور باہمی اعتماد پر مبنی ہیں، صدر مملکت

جمعہ 25 جولائی 2025 22:22

اسلام آباد(اُردو پوائنٹ اخبارتازہ ترین - آن لائن۔ 25 جولائی2025ء)صدرِ مملکت آصف علی زرداری سے سعودی سفیر نواف بن سعید المالکی کی ایوان صدر میں ملاقات،ملاقات میں وزیر داخلہ محسن نقوی بھی شریک تھے ، دوطرفہ تعلقات کے فروغ، تجارت، معیشت و ثقافت پر تبادلہ خیال کیا گیا ۔

(جاری ہے)

صدر مملکت نے کہا کہ پاکستان اور سعودی عرب کے تعلقات مشترکہ عقیدے اور باہمی اعتماد پر مبنی ہیں دوطرفہ تعاون کو مزید وسعت دینا دونوں ممالک کے لیے مفید ہے ۔

صدر کا کہنا تھا کہ سعودی سرمایہ کاروں کو پاکستان میں سرمایہ کار دوست ماحول سے فائدہ اٹھانا چاہیے پاکستان اور سعودی عرب عالمی امور پر یکساں مؤقف رکھتے ہیں مشکل وقتوں میں سعودی عرب کی معاونت پر شکرگزار ہیں ،صدر مملکت کا خادمِ حرمین شریفین شاہ سلمان بن عبدالعزیز اور ولی عہد شہزادہ محمد بن سلمان کے لیے نیک تمناؤں کا پیغام پہنچایا ۔