دیر، سوات، شانگلہ، مانسہرہ، کوہستان،ایبٹ آباد،کوہاٹ،کرک، ہنگو،ٹانک، ڈی جی خان،مری، گلیات اورکشمیر کے بر ساتی ندی نالوں میں طغیانی کا خطرہ ہے، محکمہ موسمیات

اسلام آباد (اُردو پوائنٹ اخبارتازہ ترین - اے پی پی۔ 30 جولائی2025ء) محکمہ موسمیات نے انتباہ جاری کرتے ہوئے کہا ہے کہ بدھ کی رات اور31 جولائی کے دوران شدید بارش کے باعث دیر، سوات، شانگلہ، مانسہرہ، کوہستان،ایبٹ آباد،کوہاٹ،کرک، ہنگو،ٹانک، ڈی جی خان،مری، گلیات اورکشمیر کے مقامی / بر ساتی ندی نالوں میں طغیانی کا خطرہ ہے،عوام الناس کو احتیاط کی ہدایت کی گئی ہے، شدید بارش کے باعث اسلام آباد/راولپنڈی، گوجرانوالہ، لاہور ،سیالکوٹ نوشہرہ اور پشاورکے نشیبی علا قے زیر آب آنے کاخدشہ ہے،خیبرپختونخوا کے پہا ڑی علا قوں ، گلگت بلتستان،کشمیر، مری اور گلیات میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے، شدید بارشوں /آندھی/جھکڑ چلنے اورگرج چمک کے باعث روزمرہ کے معمولات متاثر ہونے ، کمزور انفرا سٹرکچر ( کچے گھر/دیواریں ،بجلی کے کھمبے،بل بورڈز،گاڑیوں سولر پینل وغیرہ)کو نقصان کا اندیشہ ہے۔

(جاری ہے)

محکمہ موسمیات کے مطابق آئندہ 24 گھنٹوں کے دوران کشمیر ، خیبر پختونخوا ، پنجاب، اسلا م آباد،شمال مشرقی بلوچستان اور گلگت بلتستان میں تیز ہواؤں اور گرج چمک کے بارش کا امکان ہے۔ اس دوران کشمیر، مشرقی پنجاب،خطہ پوٹھوہار اور خیبر پختونخوا میں کہیں کہیں موسلادھار بارش بھی متوقع ہے۔ ملک کےجنو بی علاقوں میں موسم گرم اورشدید حبس برقرار رہنے کا امکان ہے۔

گذشتہ 24 گھنٹوں کے دوران اسلام آباد، بالائی پنجاب، خیبر پختونخوا، کشمیر اور گلگت بلتستان میں تیزہواؤں اور گرج چمک کے ساتھ بارش جبکہ چند مقامات پر موسلا دھار بارش بھی ہوئی ۔ ملک کے دیگر علاقوں میں موسم گرم اور مرطوب رہا۔سب سے زیادہ بارش پنجاب میں اسلام آباد (سیدپور 91، زیرو پوائنٹ 52، بوکرہ 28، گولڑہ 27، ایئرپورٹ 19)، گوجرانوالہ 86، جہلم 83، راولپنڈی (شمس آباد 81، نیو کٹاریاں 75، پیرودہائی 49، گوالمنڈی 42، کچہری 27، چکلالہ 19)، منڈی بہاؤالدین 49، سیالکوٹ (ایئرپورٹ 48، سٹی 26)، گجرات 42، منگلا 26، اٹک 25، جھنگ 17، جوہرآباد 12، مری 06، نارووال 05، لاہور ایئرپورٹ 03، نور پور تھل 01،کشمیر میں کوٹلی 75، گڑھی دوپٹہ 16، مظفرآباد (سٹی 12، ایئرپورٹ 08)، راولا کوٹ 06،خیبر پختونخوا میں کاکول 46، تخت بھائی 25، سیدو شریف، بنوں 12، بالاکوٹ 11، پٹن 07، مالم جبہ 06، پارا چنار 05، کالام 04، دروش، پشاور ایئرپورٹ 02، ڈی آئی خان ایئرپورٹ 01،گلگت بلتستان میں گوپس میں 2 ملی میٹر بارش ریکارڈ کی گئی۔

بدھ کوریکارڈ کئے گئے زیادہ سےزیادہ درجہ حرارت دالبندین45،تربت اورنوکنڈی میں44سینٹی گریڈ ریکارڈ کیا گیا۔