سردار تنویر الیاس خان سے شگفتہ نورین کاظمی اور سردار مبارک حیدر کی ملاقات،نیک تمنائوں کا اظہار

جمعرات 31 جولائی 2025 13:25

اسلام آباد(اُردو پوائنٹ اخبارتازہ ترین - این این آئی۔ 31 جولائی2025ء) سابق وزیراعظم آزادکشمیر سردار تنویر الیاس خان سے نائب صدر وممبر آرگنائزنگ کمیٹی پاکستان پیپلزپارٹی خواتین ونگ آزاد جموں وکشمیر شگفتہ نورین کاظمی اور امیدوار قانون ساز اسمبلی حلقہ تین سردار مبارک حیدر نے ملاقات کی ،اس موقع پر شگفتہ نورین کاظمی نے سردار تنویر الیاس خان کو پیپلزپارٹی میں شمولیت پر پھولوں کا گلدستہ پیش کیا اور نیک تمناؤں کا اظہار کیا۔

اس موقع پر گفتگو کرتے ہوئے شگفتہ نورین کاظمی نے کہا کہ سردار تنویر الیاس خان کی اپنے ساتھیوں کے ہمراہ پیپلزپارٹی میں شمولیت خوش آئند ہے،پیپلز پارٹی عوامی جماعت ہے اور عوام کے مسائل حل کرنا جانتی ہے۔انھوں نے کہا کہ پیپلزپارٹی آمدہ الیکشن کے اندر آزاد جموں وکشمیر بھر میں کلین سویپ کرے گی مرکزی صدر پیپلزپارٹی خواتین ونگ ورکن سندھ اسمبلی فریال تالپور اور سابق سینئر مشیر حکومت ومرکزی رہنما پیپلزپارٹی چوہدری ریاض کی کامیاب سیاسی حکمت کی بدولت آئے روز آزاد جموں وکشمیر بھر سے نامور سیاسی رہنماؤں کی شمولیت اس بات کی غمازی کرتی ہے کہ آنے والا دور پیپلزپارٹی کا ہے۔

(جاری ہے)

عوام صرف اور صرف پیپلزپارٹی کو اپنا نجات دہندہ سمجھتی ہے پیپلزپارٹی نے اپنے دور حکومت میں آزاد جموں وکشمیر بھر کے اندر تعمیر وترقی کا جال بچھایا اور نوجوانوں کو میرٹ پر روزگار دیا ان شاء اللہ آنے والا وقت پیپلزپارٹی کا ہے الیکشن میں فتح تیر کی ہو گی۔