بلاول بھٹو زردار ی سے وزیر ایکسائز مکیش کمار چاولہ کی ملاقات

پارٹی چیئرمین کی ہدایت پر سیکیورٹی فیچر والی نمبر پلیٹوں کو نصب کرنے کی ڈیڈ لائن 14 اگست سے بڑھا کر 31 اکتوبر کردی

پیر 4 اگست 2025 21:14

بلاول بھٹو زردار ی سے وزیر ایکسائز مکیش کمار چاولہ کی ملاقات

کراچی(اُردو پوائنٹ اخبارتازہ ترین - این این آئی۔ 04 اگست2025ء) چیئرمین پیپلزپارٹی بلاول بھٹو زرداری سے سندھ اسمبلی میں پاکستان پیپلزپارٹی کے چیف وہپ اور ایکسائز، ٹیکسیشن اور نارکوٹکس کے وزیر مکیش کمار چاولہ نے پیر کو بلاول ہاؤس میں ملاقات کی ۔مکیش چاولہ نے پارٹی چیئرمین کو پی پی پی اراکین سندھ اسمبلی کی حاضری اور کارکردگی سے آگاہ کیا۔

انہوںنے بتایا کہ سندھ نارکوٹکس ڈیپارٹمنٹ نے سات ارب روپے کی ریکارڈ مالیت کی منشیات کو ضبط کیا۔

(جاری ہے)

سندھ میں سیف سٹی پراجیکٹ کے تحت گاڑیوں کی سیکیورٹی فیچر کے ساتھ نمبر پلیٹ اپ ڈیٹ کرنے کی مہم تیز کردی گئی ہے۔سیکیورٹی فیچر والی گاڑیوں کی نمبر پلیٹوں کے بعد صوبے میں سیکیورٹی کی صورت حال مزید بہتر ہوگی۔بلاول بھٹو زرداری نے ہدایت کی کہ عوام کی سہولت کے پیش نظر سیکیورٹی فیچر والی نمبر پلیٹوں کو نصب کرنے کی ڈیڈ لائن میں اضافہ کیا جائے چیئرمین بلاول بھٹو زرداری کی ہدایت پر سندھ میں ایکسائز اینڈ ٹیکسیشن کے وزیر مکیش کمار چاولہ نے سیکیورٹی فیچر والی نمبر پلیٹوں کو نصب کرنے کی ڈیڈ لائن 14 اگست سے بڑھا کر 31 اکتوبر کردی