ٌبیوروکریٹس کے غیرقانونی اثاثہ جات پر بیان ،سپریم کورٹ کیلئے ریفرنس بھجوایا جائے،لیاقت بلوچ

وفاقی کمیٹی کی تشکیل کیلئے اپوزیشن جماعتوں سے رابطے کررہے ہیں اور جلد نام فائنل کردیں گے، مولانا ہدایت الرحمن بلوچ

جمعرات 7 اگست 2025 23:40

' لاہور (اُردو پوائنٹ اخبارتازہ ترین - آن لائن۔ 07 اگست2025ء) نائب امیر جماعت اسلامی لیاقت بلوچ نے کہا ہے کہ وزیرِ دفاع خواجہ آصف کا بیوروکریٹس کے غیرقانونی اثاثہ جات، منی لانڈرنگ اور کرپشن پر چشم کُشا حقائق قوم کے سامنے رکھے ہیں، پوری قوم میں طویل مدت سے نوکر شاہی کے بارے میں یہی تاثر گہرا ہے لیکن وفاقی حکومت کے ذمہ دار ترین وزیر کی جانب سے صرف حقائق بیان کرنا ذمہ داری نہیں، اِن تمام معلومات و حقائق کی آئین، قانون اور قومی مفادات کے تناظر میں تحقیقات اور اقدامات کی ضرورت ہے۔

خواجہ آصف کے انٹرویو بیان پر سپریم کورٹ کے لیے ریفرنس بھجوایا جائے اور جوڈیشل کمیشن/جے آئی ٹی کے ذریعے شفاف اور غیرجانبدارانہ تحقیقات کرائی جائے۔ ان خیالات کا اظہار انھوں نے منصورہ میں جمعیت طلبہ عربیہ کے کنونشن سے خطاب کرتے ہوئے کیا۔

(جاری ہے)

دریں اثنا لیاقت بلوچ سے امیر جماعتِ اسلامی بلوچستان مولانا ہدایت الرحمن نے فون پر کہا کہ وہ وفاقی کمیٹی کی تشکیل کے لیے اپوزیشن جماعتوں سے رابطے کررہے ہیں اور جلد نام فائنل کردیں گے۔

لیاقت بلوچ نے وزیرمملکت داخلہ طلال چوہدری اور پنجاب حکومت کی سینئر وزیر مریم اورنگ زیب سے رابطہ کیا اور اُنہیں حق دو بلوچستان لانگ مارچ کے قائدین سے مذاکرات اور معاہدہ پر عملدرآمد کے حوالے سے ٹائم لائن دینے کا کہا۔ لیاقت بلوچ نے مطالبہ کیا کہ اسلام آباد میں خواتین کے احتجاجی کیمپ کی قیادت سے مذاکرات کیے جائیں