اگست یوم نیلہ بٹ تیاریاں شروع عوام میں جوش و خروش

یوم نیلہ بٹ کے موقع پر ہر مکتب فکر سے تعلق رکھنے والے ہزاروں لوگ آزاد کشمیر پاکستان کے مختلف شہروں سے شریک ہوتے ہیں

جمعہ 8 اگست 2025 14:40

باغ / دھیرکوٹ(اُردو پوائنٹ اخبارتازہ ترین - این این آئی۔ 08 اگست2025ء)23 اگست یوم نیلہ بٹ تیاریاں شروع عوام میں جوش و خروش ۔

(جاری ہے)

ضلع باغ کے تاریخ مقام تحصیل دھیرکوٹ کا وہ بلند تاریخی مقام نیلہ بٹ جہاں 23 اگست 1947 میں مہاراجہ ریاست کے خلاف نوجوان سردار محمد عبدالقیوم خان مرحوم نے اپنے دیگر سینکڑوں احباب کے ساتھ علم بغاوت بلند کی تھی کی یاد میں ہر سال یوم تجدید عہد کے ساتھ یہ دن منایا جاتا حسب روایت اس سال بھی یہ دن شایان شان طریقے سے منانے کیلئے تیاریاں جاری ہیں پونچھ ڈویژن آل جموں و کشمیر مسلم کانفرنس کے صدر ریٹائرڈ میجر محمد نصر اللہ خان نے پونچھ ڈویژن کا شیڈول جاری کرتے دورے شروع کر دیئے ان کے ہمراہ دیگر جماعتی عہدیدار کارکنوں کی بڑی تعداد ہے تحصیل دھیرکوٹ حلقہ غربی باغ کی مختلف یونین کونسل کا دورہ مکمل کیا دورے کے موقع پر کارکنوں کے ساتھ کارنر میٹنگ اجلاس کئے اور اس بار بھی یہ دن بھرپور طریقے سے منانے کا عزم کیا یوم نیلہ بٹ کے دن جماعتوں سے بالا تر ہوکر ہر مکتب فکر سے تعلق رکھنے والے ہزاروں لوگ آزاد کشمیر پاکستان کے مختلف شہروں سے شریک ہوتے ہیں مقامی حلقہ یہ دن یوم نیلہ بٹ کے ساتھ ساتھ آزادی کے تہوار کے طور مناتے اور انتہائی خوشی کا اظہار کرتے سردار محمد عبدالقیوم خان کو خراج عقیدت پیش کرتے ہیں 23 اگست یوم نیلہ بٹ کے دن ضلع بھر میں تعطیل ہوتی ہے ایک بڑی تقریب جہاں ہزاروں لوگ قافلوں کی صورت شریک ہوتے مختلف سیاسی جماعتوں کی قیادت دانشور اسکالر مذہبی صحافتی سماجی شخصیات مجاہد ول ان کے رفقا کار کو خراج عقیدت پیش کرنے کے علاوہ اس دن کی آہمیت افادیت پر سیرحاصل گفتگو کرتے ہیں یاد رہے یہی وہ جگہ جب میاں محمد نواز شریف نے بطور وزیراعظم پاکستان 1990 کی دہائی میں تقریب سے خطاب کرتے پاکستان کو ایٹمی ملک ہونے کا اعلان کیا تھا اس موقع پر شہدا 1947 راجہ محمد شیر زمان شہید راجہ عبدالطیف شہید جونیلہ بٹ کے مقامات پرشہیدہوئے کے مزار پر صدر مسلم کانفرنس سابق وزیراعظم سردارمحمد عتیق احمد اور شہدا کے ورثا خصوصی طور حاضری دیتے ان کے درجات کی بلندی کیلئے بھی دعا کرتے پھول کے گدستے مزار پر رکھتے -