ناروے کپ کے ہیروز کا سندھ اسمبلی میں شاندار استقبال

ٹیم کو ریڈ بس کا تحفہ دیا جائے تاکہ انہیں انٹر سٹی میچز میں آمدورفت کی سہولت میسر ہو، آغا سراج درانی کی شرجیل میمن کو تجویز سینئر وزیرشرجیل انعام میمن کاوزیراعلی سندھ اور اسپورٹس ڈپارٹمنٹ کی جانب سے کھلاڑیوں کو انعامات دینے کی یقین دہانی کرائی

جمعہ 8 اگست 2025 22:45

کراچی (اُردو پوائنٹ اخبارتازہ ترین - این این آئی۔ 08 اگست2025ء)ناروے کپ 2025 میں شاندار کامیابی حاصل کر کے پاکستان اور سندھ کا نام عالمی سطح پر روشن کرنے والی لیاری کے باصلاحیت نوجوان کھلاڑیوں کی ٹیم پارلیمانی سیکریٹری برائے اوقاف، مذہبی امور، زکو و عشر، شازیہ کریم سنگھار کے ہمراہ سندھ اسمبلی پہنچی۔اسمبلی پہنچنے پر اسپیکر سندھ اسمبلی اویس قادر شاہ، سینیئر صوبائی وزیر شرجیل انعام میمن، سابق اسپیکر آغا سراج درانی اور اپوزیشن رہنما صابر راجپوت نے فلور آف دی ہائوس پر کھڑے ہو کر شاندار الفاظ میں خوش آمدید کہا اور انہیں قومی ہیروز قرار دیا۔

سینئر وزیر شرجیل میمن نے وزیراعلی سندھ اور اسپورٹس ڈپارٹمنٹ کی جانب سے کھلاڑیوں کو انعامات دینے کی یقین دہانی کرائی اور کہا کہ ان کے شایانِ شان انعامات کا باضابطہ اعلان جلد کیا جائے گا۔

(جاری ہے)

اس موقع پر ایک دلچسپ صورتحال اس وقت پیدا ہوئی جب آغا سراج درانی نے ٹرانسپورٹ منسٹر شرجیل میمن کو تجویز دی کہ ٹیم کو ریڈ بس کا تحفہ دیا جائے تاکہ انہیں انٹر سٹی میچز میں آمدورفت کی سہولت میسر ہو۔

اس تجویز پر ارکانِ اسمبلی نے ڈیسک بجا کر بھرپور تائید کی، جس سے کھلاڑیوں میں خوشی کی لہر دوڑ گئی۔یہ ٹیم، "بیٹر فیوچر پاکستان" کے نام سے کھیلتے ہوئے، عالمی فٹبال ایونٹ ناروے کپ 2025 اپنے نام کرنے میں کامیاب ہوئی اور دنیا بھر میں سبز ہلالی پرچم کو فخر سے بلند کیا۔ اس تاریخی جیت نے نہ صرف کھیلوں کی تاریخ میں سنہری باب رقم کیا بلکہ پاکستان کا وقار عالمی افق پر مزید بلند کیا۔

Facebook Twitter Google + Share on Whatsapp

ناروے کپ کے ہیروز کا سندھ اسمبلی میں شاندار استقبال

متعلقہ عنوان :

مزید اہم خبریں