شورکوٹ،جشن آزادی ،معرکہ حق کا جشن ،پر جوش ،قومی جذبہ کے تحت جاری

ہفتہ 9 اگست 2025 18:14

شورکوٹ (اُردو پوائنٹ اخبارتازہ ترین - این این آئی۔ 09 اگست2025ء) وزیر اعلیٰ پنجاب مریم نواز شریف کی خصوصی ہدایت پر ضلع بھر میں جشن آزادی اور معرکہ حق کا جشن پر جوش اور قومی جذبہ کے تحت جاری ہے۔ ضلع بھر میں جشن آزادی پاکستان کی رنگا رنگ اور پررونق تقریبات بھرپور انداز میں جاری ہیں۔چوک چوراہوں،عمارات اور اہم شاہراہوں کو برقی قمقموں سے سجایا گیا ہے۔

اس حوالہ سے میونسپل کمیٹی جھنگ کی جانب سے جشن آزادی و معرکہ حق کے حوالہ سے ختم نبوت چوک تا نواز چوک پارک جھنگ سٹی تک سائیکل ریلی کا انعقاد کیا گیا جس کی قیادت ڈپٹی کمشنر علی اکبر بھنڈر نے کی۔سائیکل ریلی میں دیگر ضلعی افسران سمیت شہریوں کی بڑی تعداد نے شرکت کی۔شرکاء ریلی نے پاکستانی جھنڈے اٹھائے رکھے تھے۔

(جاری ہے)

شرکاء ریلی نے کہا کہ اللہ تعالیٰ نے ہمیں آزادی جیسی نعمت سے نوازہ ہے جس پر ہم اللہ تعالیٰ کا شکر ادا کرتے ہیں۔

آج پوری قوم جشن آزادی اور معرکہ حق کی فتح کا جشن منار ہی ہے، ہماری افواج نے ملک و قوم کی سلامتی کیلئے بھارتی جارجیت کا منہ توڑ جواب دے کر پاکستانی قوم کے دل جیت لئے ہیں۔ معرکہ حق نے ہر پاکستانی کی آزادی کی خوشیوں اورقومی جذبے کی اہمیت کو مزید بڑھا دیا ہے۔ ہم سب ملکر ملک دشمن طاقتوں کی تمام سازشوں کو ناکام بنائیں گے۔