پاکستان، افغانستان اور یو اے ای کے درمیان تین ملکی ٹی ٹونٹی سیریز29 اگست سے شروع ہوگی

اتوار 10 اگست 2025 18:10

دبئی(اُردو پوائنٹ اخبارتازہ ترین - این این آئی۔ 10 اگست2025ء)انٹرنیشنل کرکٹ کونسل (آئی سی سی )کے زیر اہتمام پاکستان، افغانستان اور متحدہ عرب امارات (یو اے ای)کی کرکٹ ٹیموں کے درمیان تین ملکی ٹی ٹونٹی ٹرائی سیریز کا آغاز 29 اگست کو پہلے میچ سے ہوگااس سلسلے میں آئی سی سی نے پہلے ہی شیڈول جاری کر رکھا ہے۔ایونٹ کا انعقاد 29 اگست سے 7 ستمبر تک تاریخی شارجہ کرکٹ سٹیڈیم میں کیا جائے گا، سیریز کا افتتاحی میچ 29 اگست کو پاکستان اور افغانستان کی کرکٹ ٹیموں کے درمیان کھیلا جائے گا۔

تین ملکی ٹی ٹونٹی ٹرائی سیریز میں شامل ہر ٹیم ٹورنامنٹ میں دوسری دو ٹیموں کے خلاف دو دو میچز کھیلے گی جبکہ 7 ستمبر کو ٹاپ دو ٹیموں کے درمیان فائنل کھیلا جائے گا۔ تین ملکی ٹی ٹونٹی ٹرائی سیریز کے شیڈول کے مطابق تمام میچز شارجہ کرکٹ سٹیڈیم میں کھیلے جائیں گے۔

(جاری ہے)

تین ملکی ٹی ٹونٹی ٹرائی سیریز کا پہلا میچ پاکستان اور افغانستان کی ٹیموں کے درمیان 29 اگست کو کھیلا جائے گا،دوسرا میچ یواے ای اور پاکستان کی ٹیموں کے درمیان 30 اگست کو کھیلا جائے گا، سیریز کا تیسرا میچ یواے ای اور افغانستان کی ٹیموں کے درمیان 1 ستمبر کو کھیلا جائے گا،چوتھا میچ پاکستان اور افغانستان کی ٹیموں کے درمیان 2 ستمبر کو کھیلا جائے گاپانچواں میچ پاکستان اور یو اے ای کی ٹیموں کے درمیان 4 ستمبر کو کھیلاجائے گا۔

چھٹا میچ افغانستان اور یو اے ای کی ٹیموں کے درمیان 5 ستمبر کو کھیلا جائے گا جبکہ تین ملکی ٹی ٹونٹی سیریز کی ٹاپ دو ٹیموں کے درمیان فائنل میچ 7 ستمبر کو کھیلا جائے گا۔تین ملکی ٹی ٹونٹی سیریز تینوں ٹیموں کے لیے ایشیا کپ سے قبل ایک اہم وارم اپ موقع فراہم کرے گی بلکہ نوجوان کھلاڑیوں کے لیے خود کو منوانے کا بہترین موقع ثابت ہو سکتی ہے۔خاص طور پر پاکستان اور افغانستان کے درمیان ہونے والے میچز ہمیشہ سے ہائی وولٹیج اور دلچسپ ثابت ہوئے ہیں جبکہ یو اے ای کی ٹیم بھی اپنی سرزمین پر اپ سیٹ کرنے کی صلاحیت رکھتی ہے۔