آصفہ بھٹو زرداری نے بینظیر بھٹو ہاکی اسٹیڈیم کا افتتاح کردیا

پیر 11 اگست 2025 20:05

نواب شاہ(اُردو پوائنٹ اخبارتازہ ترین - این این آئی۔ 11 اگست2025ء) اسلامی جمہوریہ پاکستان کی خاتون اول بی بی آصفہ بھٹو زرداری نے بینظیر بھٹو ہاکی اسٹیڈیم کا افتتاح کردیا۔

(جاری ہے)

تفصیلات کے مطابق رکن قومی اسمبلی بی بی آصفہ بھٹو زرداری نے آل سندھ انٹر ڈویژن پنک ہاکی چیمپئن شپ کا بھی افتتاح کیا چیمپئن شپ میں کراچی، حیدرآباد، سکھر، لاڑکانہ، میرپورخاص اور نواب شاہ سمیت سندھ کے چھ ڈویژن کی خواتین ہاکی کھلاڑی شامل ہیں ، بی بی آصفہ بھٹو زرداری نے ہاکی سے گیند گول میں پھینک کر کھیل کا باقاعدہ آغاز کیا، بی بی آصفہ بھٹو زرداری نے افتتاحی ہاکی میچ کو دیکھا اور ہاکی ٹیموں کی کھلاڑیوں سے ملاقات بھی کی، بی بی آصفہ بھٹو زرداری کے ہمراہ سندھ کی وزیر صحت عذرا پیچوہو، وزیر کھیل محمد بخش خان مہر، سندھ ویمنز ہاکی کی صدر شہلا رضا ودیگر موجود تھے ۔