Live Updates

نئی آئی سی سی ون ڈے رینکنگ میں پاکستان ٹیم کی تنزلی

سری لنکن کرکٹ ٹیم پاکستان سے آگے نکل گئی

ذیشان مہتاب منگل 12 اگست 2025 11:56

لاہور (اردو پوائنٹ تازہ ترین اخبار ۔ 12 اگست 2025ء ) انٹرنیشنل کرکٹ کونسل (آئی سی سی) نے نئی ون ڈے انٹرنیشنل رینکنگ جاری کردی۔

آئی سی سی کی جانب سے پیر کو جاری نئی او ڈی آئی رینکنگ میں پاکستان ایک درجے گر کر 3465 پوائنٹس کے ساتھ چوتھے سے پانچویں نمبر پر آگیا۔

سری لنکن کرکٹ ٹیم نے 4,009 پوائنٹس کے ساتھ پاکستان کو پیچھے چھوڑتے ہوئے چوتھی پوزیشن سنبھال لی۔

(جاری ہے)

ویسٹ انڈیز کی ٹیم ایک درجہ ترقی پاکر نویں نمبر پر پہنچ گئی جبکہ بنگلہ دیش ایک درجہ تنزلی کے بعد دسویں نمبر پر چلا گیا۔

بھارت 4,471 پوائنٹس کے ساتھ بدستور پہلی پوزیشن پر قابض ہے، نیوزی لینڈ 4,160 پوائنٹس کے ساتھ دوسرے، آسٹریلیا 3,473 پوائنٹس کے ساتھ تیسرے نمبر پر ہے۔

جنوبی افریقہ 2,775 پوائنٹس کے ساتھ چھٹے اور افغانستان 2,279 پوائنٹس کے ساتھ ساتویں نمبر پر ہے۔