وفاقی وزیر داخلہ محسن نقوی کا کالعدم بی ایل اے اور کالعدم مجید بریگیڈ کو دہشت گرد تنظیمیں قرار دینے کے امریکی فیصلے کا خیرمقدم

منگل 12 اگست 2025 17:03

اسلام آباد (اُردو پوائنٹ اخبارتازہ ترین - اے پی پی۔ 12 اگست2025ء) وفاقی وزیرداخلہ محسن نقوی نے کالعدم بی ایل اے اور کالعدم مجید بریگیڈ کو دہشت گرد تنظیمیں قرار دینے کے امریکی فیصلے کا خیرمقدم کرتے ہوئے کہا ہے کہ امریکی صدر ڈونلڈ ٹرمپ اور امریکی انتظامیہ کا تہہ دل سے شکریہ ادا کرتے ہیں۔

(جاری ہے)

وزیر داخلہ محسن نقوی نے اپنے بیان میں کہا کہ یہ پاکستان کی سفارتی محاذ پر اہم کامیابی ہے اور ہمارے ازلی دشمن کے لئے ایک اور شکست ہے ، امریکی اقدام دہشت گردی کے خلاف جنگ میں پاکستان کی لازوال قربانیوں کا اعتراف ہے۔

انہوں نے کہا کہ دہشت گردی کے خلاف پاک امریکا تعاون خوش آئند ہے، کالعدم بی ایل اے اور کالعدم مجید بریگیڈ کے خلاف عالمی سطح پر کارروائی کی راہ ہموار ہو ئی ہے۔ انہوں نے کہا کہ دہشت گردوں کے خلاف مشترکہ موقف وقت کی ضرورت ہے، امریکی اقدام سے خطے میں امن و استحکام کو فروغ ملے گا۔