یوم آزادی کے موقع پر ہمیں معرکہ حق پر بھی شکر ادا کرنا چاہیے، وزیر دفاع خواجہ آصف

منگل 12 اگست 2025 17:09

اسلام آباد(اُردو پوائنٹ اخبارتازہ ترین - این این آئی۔ 12 اگست2025ء)وزیر دفاع خواجہ آصف نے کہا ہے کہ یوم آزادی کے موقع پر ہمیں معرکہ حق پر بھی شکر ادا کرنا چاہئے، پوری دنیا پاکستان کے اس معرکہ حق کا اعتراف کر رہی ہے۔

(جاری ہے)

منگل کو پارلیمنٹ ہاؤس کے باہر میڈیا سے گفتگوکر تے ہوئے آصف نے کہا کہ یوم آزادی کے اس مہینے سے چند ماہ قبل پاکستان کی مسلح افواج نے جس پیشہ وارانہ انداز سے بھارت کو شکست دی اس کا اعتراف پوری دنیا کر رہی ہے۔ انہوں نے کہاکہ معرکہ حق کی فتح، یوم آزادی، وطن عزیز اور اس مٹی کا ہر وقت شکر ادار کرنے کی ضرورت ہے۔ انہوں نے کہا کہ اللہ تعالی اپنی رحمتیں کرتا ہے لیکن اس زمین پر حاصل ہونے والی کامیابیوں پر بھی شکر ادا کرتے رہنا چاہئے۔