بھارت کیخلاف شاندار فتح کے جشن معرکہ حق کے موقع پر 75 روپے کا یادگاری سکہ جاری کردیا

جمعہ 15 اگست 2025 22:34

اسلام آباد(اُردو پوائنٹ اخبارتازہ ترین - آن لائن۔ 15 اگست2025ء)بھارت کیخلاف شاندار فتح کے جشن معرکہ حق کے موقع پر 75 روپے کا یادگاری سکہ جاری کردیا گیا۔اسٹیٹ بینک آف پاکستان نے جشنِ معرکہ? حق اور یومِ آزادی کے موقع پر 75 روپے مالیت کا ایک یادگاری سکّہ جاری کردیا ہے۔ اس اقدام کا مقصد معرکہ? حق میں مسلح افواج کی بہادری اور قربانیوں کو خراجِ تحسین پیش کرنا ہے۔

حکومتِ پاکستان کی ہدایت پر جاری کیے گئے اس سکّے کی دھاتی ساخت میں 79 فیصد تانبہ، 20 فیصد زنک اور ایک فیصد نکل شامل ہے۔ سکّے کا وزن 13.5 گرام اور قطر 30 ملی میٹر ہے۔سکّے کے سامنے کے رخ پر وسط میں بڑھتا ہوا ہلال اور پانچ نوکوں والا ابھرتا ہوا ستارہ کندہ ہے، جس کا رخ شمال مغرب کی طرف ہے۔ستارے اور ہلال کے اوپر ’’اسلامی جمہوریہ پاکستان‘‘ کے الفاظ درج ہیں جبکہ چاند کے نیچے گندم کی دو خمیدہ بالیوں کے اوپر اجرا کا سال ’’2025‘‘ لکھا گیا ہے۔

(جاری ہے)

ہلال اور ستارے کے دائیں اور بائیں جانب بالترتیب ’’75‘‘ اور ’’روپیہ‘‘ تحریر ہے۔سکّے کے پچھلے رخ پر وسط میں ’’معرکہ? حق‘‘ درج ہے، جبکہ نیچے کی جانب دو لڑاکا طیارے، ایک بحری جہاز اور ملٹی پل راکٹ لانچر سسٹم کی ابھری ہوئی تصاویر موجود ہیں، جو مسلح افواج کی صلاحیت اور قربانیوں کی نمائندگی کرتی ہیں۔ بالائی کناروں پر ’’پاکستان ہمیشہ زندہ باد‘‘ کے الفاظ درج ہیں۔یہ یادگاری سکّہ 15 اگست 2025 سے اسٹیٹ بینک بینکنگ سروسز کارپوریشن کے فیلڈ دفاتر میں ایکسچینج کاو?نٹرز پر دستیاب ہوگا۔