برسلز- بھارتی سفارتخانے کے باہر احتجاجی مظاہرہ

ہفتہ 16 اگست 2025 17:27

برسلز(اُردو پوائنٹ اخبارتازہ ترین - این این آئی۔ 16 اگست2025ء)بھارتی یوم آزادی پر بلیجم کے دارلحکومت برسلز میں بھارتی سفارتخانے کے سامنے ایک بھر پور احتجاجی مظاہرہ کیا گیا۔ کشمیر میڈیاسروس کے مطابق گزشتہ روز ہونے والے اس مظاہرے کا اہتمام کشمیرکونسل یورپ نے کیا تھا ۔ مظاہرے کی قیادت کونسل کے چیئرمین علی رضا سید نے کی۔مظاہرے میں کشمیری اور پاکستانی تارکین وطن کے علاوہ کشمیر کاز سے ہمدردی رکھنے دیگر لوگوں اور سیاسی وسماجی تنظیموں کے نمائندوں نے ایک بڑی تعداد شریک کی۔

مظاہرے میں شریک شخصیات میں علی رضا سید، سردار صدیق، چوہدری خالد جوشی، راؤ مستجاب، ڈاکٹر منظور ظہور، ملک اجمل، شیراز بٹ، راجہ خالد، غیاث الدین بھٹی، سید اسلم شاہ، راجہ عبدالقیوم، شازیہ اسلم اور مہرندیم قابل ذکر ہیں۔

(جاری ہے)

مظاہرین نے پلے کارڈ اور بینر اٹھا رکھے تھے جن پر کشمیریوں کے حق میں اور بھارتی مظالم کے خلاف نعرے درج تھے۔انہوںنے بھارتی جیلوں میں قید حریت رہنمائوں یاسین ملک ،شبیراحمد شاہ ، انسانی حقوق کے عالمی شہرت یافتہ علمبردار خرم پرویز کی تصاویر بھی اٹھا رکھی تھیں ۔

مظاہرین نے تمام کشمیری سیاسی نظربندوں کی رہائی کا مطالبہ کیا۔کشمیرکونسل ای یوکے چیئرمین علی رضاسید نے کہا کہ بھارت نے کشمیریوں پر مظالم کی انتہاکردی ہے، وہ کئی دہائیوں سے جموں و کشمیر کے ایک بڑے حصے پر قابض ہے۔ انہوںنے کہا کہ بھارت کشمیریوں کی وسیع پیمانے پر نسل کشی کررہا ہے ، قابض بھارتی فورسز کشمیری نوجوانوں کو ماورائے عدالت قتل کر رہی ہیں، مودی حکومت مقبوضہ علاقے میں بادی کا تناسب تبدیل کرنے کی کوششیں کر رہی ہے جسکا عالمی برادری کو نوٹس لیناچاہیے۔

دیگر مقررین نے بھی اپنی تقاریر میں مقبوضہ کشمیر میں بھارتی مظالم کے خاتمے اور مسئلہ کشمیر کے منصفانہ حل کا مطالبہ کیا۔انہوں عالمی برادری سے اپیل کی ہے کہ وہ مقبوضہ کشمیر میں مظالم بند کروا کر مسئلہ کشمیر کے منصفانہ اور پرامن حل کے لیے کردار ادا کرے۔

Facebook Twitter Google + Share on Whatsapp

برسلز- بھارتی سفارتخانے کے باہر احتجاجی مظاہرہ

متعلقہ عنوان :

مزید بین الاقوامی خبریں