Live Updates

ملک کے بیشتر علاقوں میں 19 تا 22 اگست مزید بارشوں کی پیشگوئی

منگل 19 اگست 2025 21:10

اسلام آباد (اُردو پوائنٹ اخبارتازہ ترین - این این آئی۔ 19 اگست2025ء)محکمہ موسمیات نے ملک کے بیشتر علاقوں میں 19 تا 22 اگست بارشوں کی پیشگوئی کردی۔رپورٹ کے مطابق سندھ، بلوچستان میں موسلادھار بارشیں ہو سکتی ہیں، پنجاب، خیبرپختونخوا اور کشمیر میں بھی طوفانی بارشیں متوقع ہیں۔19 سے 22 اگست کے دوران راولپنڈی، اسلام آباد، لاہور، گجرات، فیصل آباد، سرگودھا اور ملحقہ علاقوں میں بارشوں کا امکان ہے، پشاور، ایبٹ آباد، سوات، دیر، مانسہرہ اور دیگر پہاڑی علاقوں میں بارشیں متوقع ہیں۔

(جاری ہے)

کوئٹہ، زیارت، لورالائی، خضدار اور سبی سمیت کراچی، حیدرآباد، بدین اور ٹھٹھہ میں بارش کی پیش گوئی کی گئی ہے، لاہور، راولپنڈی، پشاور اور کراچی کے نشیبی علاقے زیر آب آنے کا خدشہ ہے۔19 سے 22 اگست کے دوران ندی نالوں اور دریاؤں میں طغیانی کا خدشہ ہے، بلوچستان اور سندھ میں اربن فلڈنگ کا امکان ہے، گلگت بلتستان اور کشمیر میں لینڈسلائیڈنگ کا خدشہ ہے۔انتظامیہ کی جانب سے تمام متعلقہ اداروں کو الرٹ رہنے، سیاحوں اور مسافروں کو محتاط رہنے کی ہدایت کی گئی ہے اور کہا گیا ہے کہ کسان حضرات فصلوں اور کھلی جگہ پر رکھے سامان کو بارش سے محفوظ رکھیں۔