بھارت روسی تیل کی خریداری میں منافع خوری کر رہا ہے، امریکا

روسی تیل کی خریداری میں نمایاں اضافہ کر کے منافع خوری ناقابل قبول ہے،وزیرخزانہ

بدھ 20 اگست 2025 16:02

واشنگٹن (اُردو پوائنٹ اخبارتازہ ترین - این این آئی۔ 20 اگست2025ء)امریکی وزیرِ خزانہ اسکاٹ بیسنٹ نے کہا ہے کہ بھارت یوکرین کی جنگ کے دوران روسی تیل کی خریداری میں نمایاں اضافہ کر کے منافع خوری کر رہا ہے جو ناقابل قبول ہے۔

(جاری ہے)

امریکی وزیرِ خزانہ نے امریکی میڈیا کو انٹرویو کے دوران کہا ہے کہ روسی تیل اب بھارت کی کل تیل کی خریداری کا 42 فیصد ہے جو جنگ سے پہلے ایک فیصد سے بھی کم تھا۔

اسکاٹ بیسنٹ کا کہنا تھا کہ بھارت صرف منافع خوری کر رہا ہے، بھارت سستا روسی تیل خرید کر اسے بطور پروڈکٹ دوبارہ فروخت کر رہا ہے، یہ سب جنگ کے دوران ہی شروع ہوا ہے جو کہ ناقابل قبول ہے۔انہوں نے مزید کہا کہ چین بھی طویل عرصے سے روسی تیل کا خریدار ہے لیکن اس نے اس قسم کی آربٹریج میں حصہ نہیں لیا جو بھارت نے کیا ہے۔