یہودی لابی کی صہیونی فوج اب مزید جنگ لڑنے کیلئے نا پید ہوگئی ہے، مولانا حافظ عبدالرحمن سلفی

بدھ 20 اگست 2025 20:56

کراچی (اُردو پوائنٹ اخبارتازہ ترین - این این آئی۔ 20 اگست2025ء) ملحدانہ اور جنگی جنونیت کے عادی یہودی لابی کی صہیونی فوج اب مزید جنگ لڑنے کیلئے نا پید ہوگئی ہے اسرائیل انتظامیہ نے یہودی لابی اور مغربی ممالک سے مزید فوجی افراد کی ضرورت کی اپیل کی ہے ۔ اسرائیل فوج کے 80ہزار فوجیوں کو غزوہ فلسطین کے مجاہدین واصلِ جہنم کر چکے ہیں ۔ ان خیالات کا اظہار مرکزی جماعت غرباء اہلحدیث پاکستان کے مرکزی امیر مولانا حافظ عبدالرحمن سلفی نے عالمی منظر نامے کے پیش نظر اور غزوہ فلسطین سے اسرائیل کی جنگ بندی کے معاملات پر تبصرہ کرتے ہوئے کیا ۔

انہوں نے کہا کہ اسرائیل مغربی دنیا سے اپنے سازشی ملک کے لئے فوجی جوانوں کی بھیک مانگ رہا ہے ۔ مولانا سلفی نے کہا کہ کیا اسرائیلی مائوں نے بچے جننے بند کر دیئے ہیں تو ایسے میں اسرائیلی وزیر اعظم اور اس کی انتظامیہ کو مشورہ دیتا ہوں کہ اسرائیل انتظامیہ مغربی ممالک کے بے سہارا ، یتامی اور بے یارو مددگار افرا د کی لسٹ بنا کر انہیں فوجی ٹریننگ دیں اور ان سے جنگ جاری رکھنے کا سہارا لیں۔

(جاری ہے)

مولانا سلفی نے کہا کہ میں اسلامی سربراہان مملکت اور خصوصاً پاکستان کے وزیر اعظم میاں محمد شہباز شریف و دیگر سینئر ترین حکومتی اہلکاروں سے اپیل کرتا ہوں کہ وہ غزوہ فلسطین کی جنگی حکمت عملی کو سہارا دینے کے لئے 57اسلامی ممالک ’’ متحدہ افواج ‘‘ کی ٹیم تشکیل دیں اور وہ متحدہ فوج اسلامی ممالک کے سربراہوں سے اجازت لے کر اسرائیل پر زمینی اور فضائی حملہ کر کے اسے صفحہ ہستی ہے مٹانے کا عزم کر لیں تو ہماری متحدہ فوج کے شاہین اسرائیل کی رہ جانے والی گنتی کی فوج کا قلع قمع کرنے میں کامیاب ہو سکتے ہیں۔