Live Updates

پنجاب اسمبلی میں نئے اپوزیشن لیڈر کی نامزدگی کا معاملہ پی ٹی آئی سیاسی کمیٹی کو سونپ دیا گیا

سیاسی کمیٹی آپس میں مشاورت سے 5نام طے کرے گی جو عمران خان کو نامزدگی کے لیے بجھوائے جائیں گے.رپورٹ

میاں محمد ندیم جمعرات 21 اگست 2025 15:35

پنجاب اسمبلی میں نئے اپوزیشن لیڈر کی نامزدگی کا معاملہ پی ٹی آئی سیاسی ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔21 اگست ۔2025 )تحریک انصاف کی پنجاب اسمبلی کی پارلیمانی کمیٹی نے صوبائی اسمبلی میں نئے اپوزیشن لیڈر کی نامزدگی کا اختیار پارٹی کی سیاسی کمیٹی کو سونپ دیا ہے رپورٹ کے مطابق پنجاب اسمبلی میں اپوزیشن کے 105 ممبر ہیں، ان میں سے 5 نام سیاسی کمیٹی آپس میں مشاورت سے طے کرے گی، پھر ان 5 ناموں میں سے سابق وزیراعظم عمران خان بتائیں گے کہ کس کو اپوزیشن لیڈر بنانا ہے.

(جاری ہے)

پنجاب کی پارلیمانی پارٹی نے ڈپٹی اپوزیشن لیڈر کو ہی اپوزیشن لیڈر بنانے کی بھی تجویز دی، پارٹی راہنماﺅں نے رائے دی کہ ڈپٹی اپوزیشن لیڈر معین ریاض قریشی کے اپوزیشن لیڈر بنے سے پارٹی متحد رہے گی عمران خان کی جانب سے عہدے کے لیے پنجاب اسمبلی سے 5 سینئر راہنماوں کے نام طلب کئے گئے ہیں ذرائع نے کہا کہ معین قریشی، رانا آفتاب، علی امیتاز وڑائچ، میاں اعجاز شفیع، رانا شہباز اور ندیم قریشی کے نام متوقع طور پر بھیجے جا سکتے ہیں.