پاکستان پیپلز پارٹی پارلیمنٹرینز نے ساہیوال، ڈی جی خان میں ضمنی انتخابات کے لیے پارٹی امیدواران سے درخواستیں طلب کر لیں

جمعرات 21 اگست 2025 17:44

اسلام آباد (اُردو پوائنٹ اخبارتازہ ترین - اے پی پی۔ 21 اگست2025ء) پاکستان پیپلز پارٹی پارلیمنٹرینز نے ضمنی انتخابات کے لئے پارٹی امیدواران سے درخواستیں طلب کر لیں۔ جمعرات کو پی پی پی میڈیا سیل سے جاری بیان کے مطابق پاکستان پیپلز پارٹی پارلیمنٹرین نے این اے۔143 ساہیوال 3 اور این اے۔185 ڈیرہ غازی خان 2 اور پی پی۔

(جاری ہے)

203 ساہیوال 6 کی خالی ہونے والی نشستوں کے لئے پارٹی امیدواران سے درخواستیں طلب کر لی ہیں۔

بیان میں کہا گیا ہے کہ درخواستیں سیکرٹری جنرل پاکستان پیپلز پارٹی پارلیمنٹرینز کے نام ارسال کی جائیں ۔قومی اسمبلی کے امیدواران درخواست کے ساتھ 50ہزار جبکہ صوبائی اسمبلی کے امیدواران 30ہزار کا بینک ڈرافٹ ہاؤس نمبر 8 گلی نمبر 19 ایف ایٹ ٹو زرداری ہاؤس اسلام آباد کے پتہ پر 28 اگست 2025 تک ارسال کریں۔