برطانوی محکمہ ٹرانسپورٹ کے نامزد ویلیڈیٹر کی کارگو ایئرلائنز کے سیکیورٹی سسٹم کی جانچ

جمعہ 22 اگست 2025 23:07

اسلام آباد (اُردو پوائنٹ اخبارتازہ ترین - این این آئی۔ 22 اگست2025ء)سول ایوی ایشن ذرائع نے بتایا کہ برطانوی محکمہ ٹرانسپورٹ کے نامزد ویلیڈیٹر نے کارگو ایئرلائنز کے سیکیورٹی سسٹم کی جانچ کی۔ذرائع کے مطابق انٹرنیشنل ویلیڈیٹر اسٹیون اوگاڈا نے یورپی یونین اور برطانیہ کے لیے سیفٹی سسٹم کی جانچ کی۔سول ایوی ایشن ذرائع نے بتایا کہ آڈٹ ٹیم نے اسلام آباد، علامہ اقبال ایئرپورٹ اور کراچی ایئرپورٹ کے کارگو سیکشن کی جانچ کی۔

(جاری ہے)

اس آڈٹ کے دوران قومی ریگولیٹر سول ایوی ایشن اتھارٹی کی ٹیم بھی ان کے ہمراہ تھی۔جانچ مکمل کرکے انٹرنیشنل ویلیڈیٹر اسٹیون اوگاڈا پاکستان سے روانہ ہوئے۔ویلیڈیٹر اسٹیون اوگاڈا آڈٹ ویلیڈیشن رپورٹ متعلقہ یورپی اور برطانوی حکام کو جمع کرائیں گے۔ذرائع نے بتایا کہ یہ رپورٹ قومی ایئرلائن کے کارگو آپریشنز کی کلیئرنس حاصل کرنے کے لیے اہم قدم ہے اور امید ہے کہ کلیئرنس ملنے کے بعد قومی ایئرلائن برطانیہ اور یورپ کے لیے گارگو بھی لے جایا سکے گی۔ ذرائع نے بتایا کہ برطانیہ کی جانب سے قومی ایئرلائن کی پروازوں سے متعلق اجازت نامہ بھی جلد جاری ہونے کا امکان ہے۔