عالمی منظر نامہ کتنا ہی بدل جائے پاک چین دوستی ہمیشہ سے مستحکم اور مضبوط ہے، چین

ہفتہ 23 اگست 2025 17:03

بیجنگ (اُردو پوائنٹ اخبارتازہ ترین - این این آئی۔ 23 اگست2025ء)چین نے ایک مرتبہ پھر واضح کیا ہے کہ عالمی سیاست اور بدلتے منظرنامے کے باوجود پاکستان اور چین کی دوستی اٹل اور ناقابلِ شکست رہی ہے۔چینی وزارتِ خارجہ کے ترجمان لین جیان کی جانب سے جاری بیان میں کہا گیا کہ چین ہمیشہ سے پاکستان قابلِ بھروسہ شراکت دار اور مشکل وقت کا سب سے بڑا حامی رہا ہے۔

(جاری ہے)

ترجمان نے مزید کہا کہ پاکستان اور چین کے درمیان تعلقات صرف سرکاری سطح تک محدود نہیں بلکہ یہ عوام کے دلوں میں گہرے جذبے کے طور پر رچ بس گئے ہیں۔خیال رہے کہ یہ بیان حال ہی میں چین کے وزیرِ خارجہ وانگ ژی کے پاکستان کے دورے کے بعد سامنے آیا ہے۔وانگ ژی نے اسلام آباد میں وزیراعظم شہباز شریف، نائب وزیراعظم و وزیرِ خارجہ اسحاق ڈار اور فیلڈ مارشل سید عاصم منیر سے ملاقاتیں کی تھیں۔ان ملاقاتوں میں سی پیک منصوبوں کی تیز رفتاری سے تکمیل، دفاعی تعاون اور علاقائی استحکام پر تفصیلی بات چیت ہوئی۔وانگ ژی نے بھی اپنی گفتگو میں کہا تھا کہ پاکستان اور چین کے تعلقات صرف مضبوط اور مستحکم ہی نہیں بلکہ وقت کے ہر امتحان پر پورے اترے ہیں۔