کراچی کا انتظامی ڈھانچہ آبادی کی ضروریات پوری کرنے میں ناکام ہے،عشرت العباد

نئے انتظامی یونٹس کا قیام اور اصلاحات پسماندہ علاقوں کی محرومی ختم کرنے کے لیے ناگزیر ہیں، سابق گور نر

ہفتہ 30 اگست 2025 19:10

دبئی (اُردو پوائنٹ اخبارتازہ ترین - این این آئی۔ 30 اگست2025ء)دبئی میں سابق گورنر سندھ عشرت العباد سے سابق رکنِ اسمبلی محمود مولوی نے ملاقات کی ڈاکٹر عشرت العباد نے اس ملاقات کے حوالے سے بتایا کہ ملاقات میں پاکستان کی سیاسی صورتِ حال پر تبادلہ خیال کیا گیا۔

(جاری ہے)

انہوں نے کہا کہ پاکستان اور خاص طور پر کراچی میں انتظامی اصلاحات وقت کی ضرورت ہیں۔سابق گورنر سندھ نے کہا کہ نئے انتظامی یونٹس کا قیام اور اصلاحات پسماندہ علاقوں کی محرومی ختم کرنے کے لیے ناگزیر ہیں۔انہوںنے کہاکہ کراچی کا موجودہ انتظامی ڈھانچہ آبادی کی ضروریات پوری کرنے میں ناکام ہو چکا ہے۔دبئی میں سابق گورنر سندھ عشرت العباد نے کہاکہ موجودہ انتظامی ڈھانچہ بد انتظامی اور عوامی محرومی پیدا کر رہا ہے۔