Live Updates

گورنر سردار سلیم حیدر خان کی زیر صدارت ریڈ کریسنٹ پنجاب کا سالانہ اجلاس

اتوار 31 اگست 2025 14:20

لاہور (اُردو پوائنٹ اخبارتازہ ترین - اے پی پی۔ 31 اگست2025ء) گورنر سردار سلیم حیدر خان کی زیر صدارت اتوار کے روز ریڈ کریسنٹ پنجاب کا سالانہ اجلاس یہاں گورنر ہائوس میں منعقد ہوا۔اس موقع پرمیاں محمد حنیف کو چیئرمین پاکستان ریڈ کریسنٹ پنجاب جبکہ15 نئے ارکان مینیجنگ کمیٹی کیلئے منتخب کیا گیا ۔ گورنر پنجاب نے نو منتخب چیئرمین و ارکان سے حلف لیا اور کہا کہ پورے پنجاب میں ریڈ کریسنٹ سیلاب زدگان کی بحالی میں بھرپور کردار ادا کر رہی ہے ،سیلاب زدہ علاقوں میں ریلیف اور میڈیکل کیمپس لگائے جارہے ہیں۔

(جاری ہے)

انہوں نے کہا کہ سیلاب نے پنجاب میں بہت نقصان پہنچایا ہے ،لوگوں کے گھر، قیمتی سامان اور مال مویشی سیلابی ریلے میں بہہ گئے ،کئی کئی فٹ پانی لوگوں کے گھروں میں داخل ہو گیا ۔گورنر پنجاب نے کہا کہ شدید بارشوں میں سیلابی پانی کی وجہ سے لوگ گھروں سے بے گھر ہو گئے، سیلاب زدگان کیلئے ریڈ کریسنٹ کی جانب سے راشن، میڈیکل کیمپ اور فوڈ پارسل روزانہ کی بنیاد پر فراہم کئے جا رہے ہیں۔ مزید براں ریڈ کریسنٹ پنجاب کے اجلاس میں سالانہ کارکردگی رپورٹ پیش اور ایوارڈز بھی تقسیم کئے گئے۔ گورنر پنجاب نے ریڈ کریسنٹ کی فلاحی خدمات کو سراہا جبکہ نومنتخب چیئرمین کی جانب سے گورنر پنجاب کو یادگاری سووینئر پیش کی گئی ۔