وفاقی دارالحکومت میں ہلکے، سفری پورٹ ایبل پنکھوں کی نوجوانوں میں مقبولیت

اسلام آباد (اُردو پوائنٹ اخبارتازہ ترین - اے پی پی۔ 31 اگست2025ء) موسمیاتی تبدیلی پوری دنیا کو متاثر کر رہی ہے جس سے موسم کی بے قاعدگی بڑھ رہی ہے کیونکہ گرم ترین مہینے گرم اور سرد ترین مہینے مزید سرد ہوتے جا رہے ہیں۔پاکستان میں مون سون کے جاری موسم نے وفاقی دارالحکومت میں حبس اور نمی میں اضافہ کیا ہے۔ ایسے موسم میں اسلام آباد کے نوجوانوں میں ایک نیا رجحان بڑھ رہا ہے اور وہ ہلکے سفری پنکھے ہاتھوں میں پکڑے نظر آتے ہیں۔

کمپیکٹ ریچارج ایبل پنکھے اب روزمرہ کی ضرورت بن چکے ہیں ،خاص طور پر طلباء، دفتری کارکنوں اور مسلسل گرمی کا مقابلہ کرنے والے مسافروں کے لیے کیلئے اہمیت اختیار کر چکے ہیں۔اسلام آباد کی مقامی مارکیٹوں خاص طور پر سیکٹر G-6 میں آبپارہ اور سیکٹر G-9 میں کراچی کمپنی میں ان چھوٹے پنکھوں کی فروخت میں نمایاں اضا فہ ہوا ہے۔

(جاری ہے)

اے پی پی سے گفتگو کرتے ہوئے آبپارہ کے ایک دکاندار علی شیخ نے کہا کہ ان پنکھوں کی نوجوانوں میں بڑھتی ہوئی مانگ کی وجہ سستی قیمتیں، آسان دستیابی اور بیگ یا جیب میں ایک جگہ سے دوسری جگہ لے کر جانے کی سہولت ہے۔

یہ کاروبار خاص طور پر گرم ترین اور سب سے زیادہ مرطوب مہینوں میں منافع بخش ہو جاتا ہے۔کراچی کمپنی کے ایک اور دکاندار ذوالفقار نے اے پی پی کو بتایا کہ ایسی مصنوعات کو کبھی محض فیشن کے آلات کے طور پر دیکھا جاتا تھا لیکن اب انہیں ضرورت سمجھا جاتا ہے۔انہوں نے مزید کہا کہ نوجوان خاص طور پر پبلک ٹرانسپورٹ پر سفر کرتے ہوئے یا بیرونی تقریبات میں شرکت کے دوران انہیں ترجیح دیتے ہیں۔

قائداعظم یونیورسٹی کی ایک طالبہ فریحہ نے کہا کہ پورٹیبل پنکھا میرے لیے ایک آرام دہ چیز نہیں بن گیا ہے۔یہ واقعی مدد کرتا ہے جب مرطوب دوپہر کے دوران بجلی چلی جاتی ہے۔ ایک غیر منافع بخش این جی او میں نوجوان میڈیا کنسلٹنٹ رائنا اکثر مقامی ٹرانسپورٹ کے ذریعے سفر کرتی ہیں۔ انہوں نے کہا کہ یہ پورٹیبل پنکھا کسی سہولت سے کم نہیں ہے ، یہ سفر کے دوران میرا بہترین ساتھی ہے۔

میں اس کی بہت زیادہ سفارش کرتی ہوں اور خاص طور پر ہر اس شخص کے لیے جو زیادہ وقت باہر گزارتا ہے۔انہوں نے مزید کہا کہ یہ ڈیوائس استعمال کرنے، لے جانے اور ری چارج کرنے میں آسان ہے۔ہلکے اور سفری پنکھوں کی بڑھتی ہوئی مقبولیت مون سون کے موسم میں شدید گرمی، زیادہ نمی اور بار بار بجلی کی بندش کے بارے میں وسیع تر خدشات کی عکاسی کرتی ہے۔اسلام آباد موسمیاتی تبدیلیوں کے اثرات کا مسلسل تجربہ کر رہا ہےاور اس طرح کے چھوٹے موافقت پذیر حل شہر کی نوجوان آبادی کے لیے تیزی سے ضروری ہوتے جا رہے ہیں۔\395