Live Updates

اقوام متحدہ کا پاکستان میں سیلاب اور اس کے نتیجے میں جانی و مالی نقصان پر رنج و غم کا اظہار

جمعرات 4 ستمبر 2025 10:00

اقوام متحدہ (اُردو پوائنٹ اخبارتازہ ترین - اے پی پی۔ 04 ستمبر2025ء) اقوام متحدہ کے سیکرٹر ی جنرل انتونیو گوتریش نے پاکستان میں حالیہ تباہ کن سیلابوں پر گہرے رنج و غم کا اظہار کیا ہے، جن کے نتیجے میں 400 سے زائد افراد جاں بحق اور تقریباً 15 لاکھ متاثر ہوئے ۔

(جاری ہے)

سیکرٹری جنرل کے ترجمان سٹیفین دوجارک کے مطابق یہ سیلاب شدید مون سون بارشوں کے باعث آئے جنہیں موسمیاتی تبدیلیوں نے مزید سنگین بنا دیا، اس قدرتی آفت سے 3,000 سے زائد مکانات، 400 سے زیادہ سکول اور 40 کے قریب صحت مراکز کو نقصان پہنچا جبکہ لاکھوں افراد کو فوری انسانی امداد کی ضرورت ہے۔

سیکرٹر ی جنرل نے پاکستانی حکومت کی امدادی کوششوں کو سراہتے ہوئے پنجاب میں 10 لاکھ سے زائد افراد کی محفوظ مقامات پر منتقلی پر ان کی تعریف کی۔ انہوں نے جاں بحق افراد کے لواحقین سے دلی تعزیت کا اظہار کیا، زخمیوں کی جلد صحتیابی کی دعا کی اور حکومت و عوامِ پاکستان کے ساتھ یکجہتی کا اعادہ کیا۔