Live Updates

سیلاب کے پیش نظر سندھ میں پاک فوج اور رینجرز ضروری ساز و سامان کیساتھ تعینات

جمعرات 4 ستمبر 2025 16:11

اسلام آباد (اُردو پوائنٹ اخبارتازہ ترین - این این آئی۔ 04 ستمبر2025ء)پاک فوج اور دیگر قانون نافذ کرنے والے اداروں نے سندھ میں ممکنہ سیلاب کے خطرے کے پیشِ نظر پیشگی حفاظتی اقدامات کیے ہیں۔میڈیا رپورٹ کے مطابق پاکستان میں حالیہ بارشوں اور بھارت کی آبی جارحیت کے پیشِ نظر فوجی دستے حساس علاقوں میں ضروری سازوسامان کے ساتھ تعینات کر دیے گئے ہیں۔

(جاری ہے)

سندھ رینجرز محکمہ آبپاشی کے تعمیری اور مرمتی کام پر مامور عملے کو سیکیورٹی فراہم کر رہی ہے۔رپورٹ میں کہا گیا کہ دریائے سندھ کے حفاظتی بندوں اور پشتوں پر گشت اور چوکیاں بڑھا دی گئی ہیں۔کچے کے علاقے سے نقل مکانی کرنے والے افراد کو بھی معاونت فراہم کی جا رہی ہے، رینجرز نے سول انتظامیہ کے تعاون سے ایک مفت طبی کیمپ بھی قائم کیا ہے۔