پی ٹی آئی کی کالعدم ٹی ٹی پی کی حمایت جاری و فوری آپریشنز کے لیے نقصان دہ قرار

بدھ 10 ستمبر 2025 11:42

اسلام آباد(اُردو پوائنٹ اخبارتازہ ترین - این این آئی۔ 10 ستمبر2025ء)تحریک انصاف کی جانب سے کالعدم تحریک طالبان پاکستان (ٹی ٹی پی) کے موقف کی مسلسل تائید کو دہشت گردی کے خلاف جاری آپریشنز کے لیے نقصان دہ قرار دیا جا رہا ہے۔ذرائع کے مطابق ماضی میں پی ٹی آئی نے ٹی ٹی پی کے ساتھ مذاکرات کو اپنی بڑی کامیابی کے طور پر پیش کیا اور تقریباً 40 ہزار ٹی ٹی پی جنگجوں کی بحالی کی وکالت بھی کی جس کے ویڈیو شواہد موجود ہیں۔

(جاری ہے)

اسی دوران جب دہشت گردی عروج پر تھی خیبرپختونخوا حکومت نے ٹی ٹی پی سے مفاہمت کی تجویز دی۔رپورٹ کے مطابق پی ٹی آئی مستقل طور پر کاثونٹر ٹیررازم(سی ٹی ڈی)کی کوششوں میں رکاوٹ ڈالتی رہی اور عوامی نیشنل پارٹی پشتون تحفظ موومنٹ اور نیشنل ڈیموکریٹک موومنٹ کے ساتھ مل کر فعال کارروائیوں کو روکنے کے لیے صف بندی کرتی رہی۔دوسری جانب افغانستان میں طالبان کے قبضے کے بعد دہشت گردی اور دراندازی میں افغان شہریوں کی شمولیت میں تیزی سے اضافہ ہوا ہے۔