ڑ*پنجاب پولیس کا اشتہاری مجرمان اور عدالتی مفروروں کے خلاف کریک ڈاؤن جاری

جمعرات 11 ستمبر 2025 21:55

oلاہور (اُردو پوائنٹ اخبارتازہ ترین - آن لائن۔ 11 ستمبر2025ء) پنجاب پولیس کی طرف سے سنگین جرائم میں پولیس کو مطلوب اشتہاری مجرمان اور عدالتی مفروروں کے خلاف کریک ڈاؤن جاری ہے۔ ترجمان پنجاب پولیس نے تفصیلات سے آگاہ کرتے ہوئے بتایا کہ رواں سال کے دوران لاہور سمیت صوبہ بھر سے 98 ہزار 335 اشتہاری مجرمان کو گرفتار کیا گیا ہے جن میں اے کیٹگری کے 33 ہزار 509 اور بی کیٹگری کے 64 ہزار 826 اشتہاری شامل ہیں۔

اسی طرح صوبہ بھر میں پولیس نے 38 ہزار 642 عدالتی مفروران کو گرفتار کیا جن میں اے کیٹگری کے 8 ہزار 666 اور بی کیٹگری کے 29 ہزار 976 عدالتی مفرور شامل ہیں۔ مزید برآں، 19 ہزار 818 عادی مجرم بھی گرفتار کیے گئے جن میں اے کیٹگری کے 7 ہزار 662 اور بی کیٹگری کے 12 ہزار 156 عادی مجرم شامل ہیں۔

(جاری ہے)

صوبائی دارالحکومت لاہور میں پولیس نے 21 ہزار سے زائد اشتہاری مجرمان، 15 ہزار 396 عدالتی مفرور اور 8 ہزار 470 عادی مجرم گرفتار کیے۔

ترجمان پنجاب پولیس نے بتایا کہ بیرون ملک مفرور 39 اشتہاری مجرمان کو گرفتار کر کے پاکستان لایا گیا ہے جو پنجاب پولیس کی بین الاقوامی سطح پر کامیاب حکمتِ عملی کا مظہر ہے۔آئی جی پنجاب ڈاکٹر عثمان انور نے اشتہاری مجرمان اور عدالتی مفروروں کو گرفتار کرنے والی پولیس ٹیموں کو شاباش دیتے ہوئے ہدایت کی کہ صوبہ بھر میں جاری کریک ڈاؤن کو مزید تیز کیا جائے۔ انھوں نے کہا کہ مدعیوں کے ساتھ قریبی رابطہ اور مؤثر انفارمیشن شیئرنگ سے خطرناک مجرموں کو قانون کی گرفت میں لائیں۔آئی جی پنجاب نے مزید کہا کہ آر پی اوز اور ڈی پی اوز خطرناک اشتہاری مجرمان کی گرفتاری کے لیے جاری آپریشنز کی خود نگرانی کریں