بھارت کے فوجی جنرل مودی حکومت اور آر ایس ایس کے پروپیگنڈاترجمان بن چکے ہیں،رپورٹ

پیر 15 ستمبر 2025 12:20

نئی دہلی (اُردو پوائنٹ اخبارتازہ ترین - اے پی پی۔ 15 ستمبر2025ء) مودی حکومت نے آپریشن سندور کی ہزیمت چھپانے کے لیے اپنے فوجی جرنیلوں کو پراپیگنڈا مشین بنا دیا ہے ، یہ فیصلہ کرنا مشکل ہوگیا ہے کہ یہ بھارتی جنرل ہیں یا سیاسی ترجمان۔ کشمیرمیڈیاسروس کے مطابق بھارتی جنرل اب سپاہی نہیں بلکہ مودی حکومت اورآر ایس ایس کے پراپیگنڈا ترجمان بن چکے ہیں، بھارتی فوج کا فوکس اب جنگ نہیں بلکہ آر ایس ایس اور بی جے پی کی جھوٹی کہانیوں کا دفاع ہے۔

بھارتی جنرل منوج کٹیار نے آپریشن سندور کی شکست چھپا نے کے لئے جنگ بندی کو سٹریٹجک تیاری کا نام دے دیا ۔ جنرل کٹیار بھارتی فوج کی تیاری کے دعوے کرتے ہیں جبکہ آپریشن سندور میں پاکستان نے بھارت کو بری طرح شکست دی ۔جنرل کٹیار نے بھارت کی پسپائی کو کامیاب تیاری قرار دے کر عوام کو سیاسی فریب دینے کی کوشش کی ۔

(جاری ہے)

بھارتی فوجی قیادت اب عسکری نہیں بلکہ مودی کا جھوٹاسیاسی بیانیہ دہرانے والی پراپیگنڈا مشین کا حصہ بن چکی ہے۔

آپریشن سندور کو سٹریٹجک تیاری کہنا دراصل بھارتی شکست پر پردہ ڈالنے کا سیاسی ہتھکنڈا ہے۔بھارت میں منوج کٹیار جیسے افسران اب سپاہی نہیں لگتے بلکہ وزیروں کے ترجمان دکھائی دیتے ہیں۔ آپریشن سندور کی ناکامی نے بھارت کی عسکری طاقت اور سفارتی ڈھونگ دونوں کا پردہ چاک کر دیا ہے۔بھارتی جنرل اب سپاہی نہیں بلکہ مودی حکومت کے پراپیگنڈا ترجمان بن کررہ گئے ہیں اور بھارت میں عسکری وقار مودی حکومت کی سیاست کی نذر ہوچکا ہے۔