فلائی ایڈیل کا پاکستان میں تین نئے روٹس کے ساتھ توسیع کا آغاز

کراچی(اُردو پوائنٹ اخبارتازہ ترین - این این آئی۔ 15 ستمبر2025ء)فلائی ایڈیل، سعودی عرب کی تیزی سے ترقی کرتی ہوئی بجٹ ایئرلائن، نے پاکستان میں اپنے آپریشنز میں توسیع کرتے ہوئے دارالحکومت ریاض سے اسلام آباد، پشاور اور سیالکوٹ کے لیے براہِ راست شیڈول پروازوں کا آغاز کر دیا ہے۔ سعودی عرب کے دارالحکومت سیان تینوں نئے روٹس کو صرف تین دن کی مدت میں متعارف کرایا گیا اور ہر افتتاحی پرواز کی نئی منزل پر آمد کے موقع پر کیک کاٹنے کی تقریبات منعقد ہوئیں، جن میں فلائی ایڈیل کے عملے نے ایئرلائن اور ایئرپورٹ حکام کے ہمراہ شرکت کی۔

اس کے علاوہ، اسلام آباد آمد پر پرواز F3 651 کا روایتی واٹر سیلوٹ کے ساتھ پرتپاک استقبال کیا گیا، جہاں ایئربس A320 کے کاک پٹ سے پائلٹس نے فخر کے ساتھ سعودی عرب اور پاکستان کے پرچم لہرائے۔

(جاری ہے)

یہ لمحہ دونوں ممالک کے دارالحکومتوں کے درمیان ایک نئی فضائی راہداری کے آغاز کی علامت تھا۔ریاض کے کنگ خالد انٹرنیشنل ایئرپورٹ پر روانگی کی تقریب کے موقع پر فلائی ایڈیل کے چیف کمرشل اینڈ کسٹمر آفیسر، روگیر فان اینک کے ہمراہ سعودی عرب میں پاکستانی سفارتخانے کے نائب سربراہ، معظم علی کے ساتھ ایئرلائن اور ایئرپورٹ حکام نے بھی شرکت کی۔

فلائی ایڈیل نے فروری میں ریاض اور جدہ سے کراچی کے لیے شیڈول پروازوں کے ذریعے پاکستان کی مارکیٹ میں قدم رکھا، جو جنوبی ایشیا میں ایئرلائن کی پروازوں کا پہلا سنگِ میل تھا۔نئے روٹس کی شمولیت کے بعد فلائی ایڈیل کی سعودی عرب اور پاکستان کے درمیان ہفتہ وار پروازوں کی تعداد 6 سے بڑھ کر 13 ہو گئی ہیا ور یہ تما م پروازیں ایئربس A320 پر مشتمل ہیں، جن کی ترتیب مکمل طور پر 186 نشستوں پر مشتمل اکانومی کلاس ہے۔

فلائی ایڈیل کے چیف ایگزیکٹو آفیسر اسٹیون گرین وے نیاپنے خیالات کا اظہار کرتے ہوئے کہا کہ صرف سات ماہ قبل فلائی ایڈیل نے پاکستان میں اپنی پروازوں کا آغاز اس عزم کے ساتھ کیا تھا کہ گنجائش میں اضافہ اور زیادہ ڈیمانڈ والی مارکیٹ میں نیٹ ورک کو مزید وسعت دی جائے۔ہفتے میں چھ پروازوں سے شروع ہونے والا یہ سفر اب سات مزید پروازوں کے اضافے کے ساتھ تین نئے شہروں تک پھیل رہا ہے۔

اس توسیع سے نہ صرف ہمارے صارفین تک رسائی میں اضافہ ہوگا بلکہ انہیں کم کرایوں کے ساتھ بہتر انتخاب بھی فراہم کیا جائے گا۔چیف ایگزیکٹو آفیسر اسٹیون گرین وے نے بتایاکہ نئے جہازوں کے اضافے کے ساتھ ہی ہم پروازوں کی تعداد میں مزید اضافہ کریں گے۔ اس اقدام سے نہ صرف سعودی عرب میں مقیم پاکستانیوں کی بڑی تعداد کو بہتر سہولیات ملیں گی بلکہ پاکستان سے ملازمت، کاروبار، سیاحت یا مذہبی مقاصد کے لیے آنے والے مسافروں کے لیے بھی مزید آسان فضائی رسائی حاصل ہوگی۔

فلائی ایڈیل کے ہیڈ آف سیلز، فاروق احمد نے اپنے تاثرات کا اظہار کرتے ہوئے کہاکہ پاکستان سے تعلق میرے لیے باعثِ فخر ہے اور فلائی ایڈیل کے نئے روٹس اس فخر کو مزید بڑھا رہے ہیں، کیونکہ یہ ہمارے صارفین کو زیادہ متنوع اور سہل سفری انتخاب فراہم کریں گے۔ آئندہ چند ہفتوں کے دوران میں اور میری ٹیم پاکستان کے ٹریول ایجنٹس سے ملاقاتوں کے ذریعے اپنے توسیع شدہ نیٹ ورک کو اجاگر کریں گیتاکہ ٹریول انڈسٹری اور کارپوریٹ سیکٹر کے ساتھ اپنی مضبوط شراکت داری کو مزید تقویت دی جا سکے۔

فلائی ایڈیل اس وقت ریاض، جدہ اور دمام کے اہم مراکز سے اپنے جدید ایئربس A320 طیاروں پر مشتمل 40 جہازوں کے ذریعے مشرقِ وسطی، شمالی افریقہ، یورپ اور جنوبی ایشیا کے 30 سے زائد مخصوص اوقات اور پورے سال کھلے رہنے والے مقامات کے لیے پروازیں چلا رہا ہے۔سعودی وڑن 2030 کے مطابق، فلائی ایڈیل نے ایک جامع توسیعی حکمتِ عملی ترتیب دی ہے، جس کے تحت ایئرلائن کا ہدف ہے کہ اپنے نیٹ ورک کو تین گنا وسعت دیتے ہوئے 2030 تک اپنی پروازوں کے لیے 100 سے زائد جدید طیارے متعارف کراتے ہوئے 100 سے زیادہ عالمی مقامات کو اپنی منزلوں میں شامل کرے۔

پاکستان میں فلائی ایڈیل کی فضائی خدمات کا نیٹ ووک اسلام آباد پاکستان کا دلکش دارالحکومت، جو شمال میں سلسلہ ہمالیہ کے دامن میں بسا ہے۔ یہ نہ صرف ملک کا دارلحکومت حہے بلکہ اپنی جدید طرزِ تعمیر، معیاری شہری منصوبہ بندی اور دلکش فضا کے باعث پاکستان کے سب سے خوش منصوبہ اور خوبصورت شہروں میں شمار ہوتا ہے۔سیالکوٹ صوبہ پنجاب کے شمال مشرق میں واقع یہ شہر پاکستان کے بڑے صنعتی مراکز میں سے ایک ہے۔

سیالکوٹ دنیا بھر میں کھیلوں کے سامان کی تیاری کے لیے مشہور ہے، جہاں ہاکی اسٹکس اور کرکٹ کا سامان بین الاقوامی برانڈز کے لیے تیار کیا جاتا ہے۔ یہ شہر جراحی کے آلات اور اعلی معیار کی چمڑے کی مصنوعات کی پیداوار کے حوالے سے بھی عالمی شہرت رکھتا ہے۔پشاور صوبہ خیبر پختونخوا کا دارالحکومت اور سب سے بڑا شہر ہے، جو اپنی شاندار تاریخ، روایتی کھانوں، قدیم بازاروں اور دستکاریوں کے باعث منفرد پہچان رکھتا ہے۔

یہ شہر پاکستان کی ثقافت اور ورثے کا ایک جیتا جاگتا نمونہ تصور کیا جاتا ہے۔کراچی پاکستان کا ساحلی شہر، جو بحیرہ عرب کے کنارے واقع ہے، ملک کا مالیاتی مرکز اور دنیا کے سب سے زیادہ آبادی والے شہروں میں سے ایک ہے۔ یہ شہر پاکستان کی معیشت کی شہ رگ اور تجارتی سرگرمیوں کا مرکز مانا جاتا ہے۔