آئندہ 24 گھنٹوں کے دوران بالائی خیبرپختونخوا،اسلام آباد، بالائی پنجاب اور کشمیر میں آندھی اور گرج چمک کے ساتھ بارش کا امکان ہے، محکمہ موسمیات

جمعرات 18 ستمبر 2025 20:00

اسلام آباد (اُردو پوائنٹ اخبارتازہ ترین - اے پی پی۔ 18 ستمبر2025ء) آئندہ 24 گھنٹوں کے دوران بالائی خیبرپختونخوا،اسلام آباد، بالائی پنجاب اور کشمیر میں آندھی اور گرج چمک کے ساتھ بارش کا امکان ہے، اس دوران چند مقامات پر تیز بارش /ژالہ باری بھی ہو سکتی ہے، ملک کے دیگر علاقوں میں موسم خشک اورگرم رہنے کا امکان ہے۔محکمہ موسمیات کے مطابق موسمیات نے انتباہ جاری کیا ہے کہ آندھی/جھکڑ چلنے، ژالہ باری اورگرج چمک کے باعث روزمرہ کے معمولات متاثر ہونے ، کمزور انفرا سٹرکچر ( کچے گھر/دیواریں ،بجلی کے کھمبے،بل بورڈز،گاڑیوں سولر پینل وغیرہ)کو نقصان کا اندیشہ ہے، مسافروں اور سیاح حضرات سفر کے دوران محتاط رہیں اور موسمی حالات کے مطابق اپنے سفر کا انتظام کریں۔

کل جمعہ کوبالائی خیبرپختونخوا،اسلام آباد،خطہ پوٹھوہار، کشمیر اورگلگت بلتستان میں صبح کے اوقات میں آندھی اور گرج چمک کے ساتھ بارش کا امکان ہے۔

(جاری ہے)

ملک کے دیگرعلاقوں میں موسم خشک اورگرم رہنے کا امکان ہے۔گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا۔ تاہم بالائی پنجاب،بالائی خیبر پختونخوا اور کشمیر میں چند مقامات پربارش ہوئی۔

سب سے زیادہ بارش پنجاب میں لاہور (اپر مال 30، جیل روڈ 11، ہیڈ آفس واسا، تاج پورہ 10، مغل پورہ 06، سمن آباد 05، لکشمی چوک 02، شاد پورہ 01)، اسلام آباد (سید پور 28)، مری 09، گوجرانوالہ 05، چکوال 01، خیبر پختونخوا میں کاکول 05، بالاکوٹ 04، لوئر دیر 03، دروش 02، پٹن 01، کشمیر میں مظفر آباد سٹی 05، مظفر آباد ایئرپورٹ 04، راولاکوٹ میں 03ملی میٹر ریکارڈ کی گئی۔جمعرات کوریکارڈ کئے گئے زیادہ سےزیادہ درجہ حرارت : تربت، سبی 41،نوکنڈی،بہاولپور اور دالبندین میں 40ڈگری سینٹی گریڈ ریکارڈ کیا گیا۔