Live Updates

پاکستان کرکٹ کے مسائل کا ذمہ دارکون ہی تیمور اکبر نے بتا دیا

سال میں جو بھی پاکستان کرکٹ ٹیم کے ساتھ ہوا ہے اس میں کھلاڑیوں سے زیادہ کرکٹ بورڈ کی غلطی ہے

پیر 22 ستمبر 2025 18:14

پاکستان کرکٹ کے مسائل کا ذمہ دارکون ہی تیمور اکبر نے بتا دیا

لاہور(اُردو پوائنٹ اخبارتازہ ترین - این این آئی۔ 22 ستمبر2025ء)پاکستانی شوبز انڈسٹری کے ابھرتے ہوئے ماڈل و اداکار معروف ڈیجیٹل کانٹینٹ کری ایٹر تیمور اکبر نے قومی کرکٹ ٹیم کی ناکامیوں کا ذمہ دار کرکٹ بورڈ کو ٹھہرا دیا۔ایک پوڈ کاسٹ میں ایک سوال کا جواب دیتے ہوئے انہوں نے کہا کہ مجھے ایسا لگتا ہے کہ گزشتہ 3 سے 4 سال میں جو بھی پاکستان کرکٹ ٹیم کے ساتھ ہوا ہے اس میں کھلاڑیوں سے زیادہ کرکٹ بورڈ کی غلطی ہے۔

تیمور اکبر کا کہنا ہے کہ گزشتہ 4 سال میں 6 کپتان تبدیل ہوئے ہیں، ہر دوسرے فارمیٹ کا الگ کپتان ہے، ٹیم وہی ہے تو ٹیم کس کے انڈر پرفارم کرے گی انہوں نے کہا کہ ٹیم کو تقسیم کردیا ہے، بابر اعظم، محمد رضوان اور شاہین شاہ آفریدی ہمارے تین اہم اور مرکزی کھلاڑی تھے ان کے درمیان اگر پُھونٹ نہیں پڑنی ہوگی تب تبھی کپتانی ملنے کے بعد پڑ جائے گی۔

(جاری ہے)

اتنا تو گلے محلے کی کرکٹ میں بھی ہوتا ہے جب تین دوست الگ الگ ٹیم کی کپتانی کرتے ہیں تو کھیل کے میدان میں آمنے سامنے ہی ہوتے ہیں یہ تو پھر انٹرنیشنل لیول کی بات ہے۔تیمور اکبر نے اپنے خیالات کا اظہار کرتے ہوئے یہ بھی کہا کہ ایسے میں مقابلے بازی کی فضا نہ چاہتے ہوئے بھی ہو جاتی ہے یہ کام کرکٹ بورڈ نے جان بوجھ کے کیا ہے۔ پاکستان کی ٹیسٹ کرکٹ کا کپتان ڈی کیٹیگری میں ہے، جبکہ کپتان کو ٹاپ کیٹیگری میں ہونا چاہیے۔