صوبائی وزیرسید ناصر حسین شاہ کی پاکستان پیپلز پارٹی کو بلدیاتی انتخابات میں کامیابی پر مبارکباد

جمعرات 25 ستمبر 2025 19:40

کراچی (اُردو پوائنٹ اخبارتازہ ترین - اے پی پی۔ 25 ستمبر2025ء) صوبائی وزیر توانائی اور ترقیات و منصوبہ بندی سید ناصر حسین شاہ نے پاکستان پیپلز پارٹی کو بلدیاتی انتخابات میں شاندار کامیابی پر مبارکباد پیش کی ہے۔جمعرات کو جاری اپنے بیان میں انہوں نے کہا کہ سندھ کے عوام نے ایک بار پھر شہید ذوالفقار علی بھٹو، شہید محترمہ بینظیر بھٹو اور چیئرمین بلاول بھٹو زرداری کے ویژن پر اپنے غیر متزلزل اعتماد کا اظہار کیا ہے۔

(جاری ہے)

انہوں نے کہا کہ یہ کامیابی عوامی خدمت، جمہوری اقدار اور ترقی پسند ایجنڈے کی فتح ہے۔ انہوں نے کہا کہ پیپلز پارٹی ہمیشہ عوامی خدمت پر یقین رکھتی ہے اور نو منتخب نمائندوں کی ذمہ داری ہے کہ وہ شفافیت اور دیانتداری کے ساتھ عوامی مسائل کے حل کے لیے کام کریں۔انہوں نے کہا کہ سندھ حکومت عوامی مینڈیٹ کا احترام کرتے ہوئے ترقیاتی منصوبوں اور فلاحی اقدامات کو مزید تیز کرے گی تاکہ صوبے کے عوام کو بہتر سہولیات فراہم کی جا سکیں۔ انہوں نے امید ظاہر کی کہ چیئرمین بلاول بھٹو زرداری کی قیادت میں سندھ ترقی و خوشحالی کے ایک نئے دور میں داخل ہوگا۔