آزاد کشمیر زندہ باد ، پاکستان پائندہ باد ، ڈاکٹر طارق فضل چوہدری کا نعرہ

جمعہ 3 اکتوبر 2025 22:34

اسلام آباد (اُردو پوائنٹ اخبارتازہ ترین - آن لائن۔ 03 اکتوبر2025ء) وفاقی وزیر برائے پارلیمانی امور اور وزیراعظم کی مذاکراتی کمیٹی کے رکن ڈاکٹر طارق فضل چوہدری نے کہا ہے کہ مظفرآباد میں وزیراعظم شہباز شریف کی ہدایت پر مذاکراتی ٹیم اور جوائنٹ ایکشن کمیٹی آزاد جموں و کشمیر کے نمائندوں کے درمیان مذاکرات کا دوسرا دور شروع ہو چکا ہے۔

(جاری ہے)

اپنے بیان میں ڈاکٹر طارق فضل چوہدری نے کہا کہ حکومت کشمیری عوام کے حقوق کی مکمل حمایت کرتی ہے۔

ان کے مطابق جو مطالبات عوامی مفاد میں تھے، ان میں سے زیادہ تر پہلے ہی منظور کیے جا چکے ہیں، جبکہ باقی چند نکات جن کے لیے آئینی ترامیم درکار ہیں، ان پر بات چیت جاری ہے۔انہوں نے کہا کہ حکومت یہ سمجھتی ہے کہ تشدد کسی مسئلے کا حل نہیں، اور امید ہے کہ جوائنٹ ایکشن کمیٹی تمام مسائل کو پرامن مکالمے کے ذریعے حل کرے گی۔ڈاکٹر طارق فضل چوہدری نے کہا کہ آزاد کشمیر زندہ باد، پاکستان پائندہ باد۔