گورنر سندھ کامران خان ٹیسوری سے بنگلہ دیش کے ڈپٹی ہائی کمشنر محمد ثاقب صداقت کی ملاقات

جمعہ 3 اکتوبر 2025 18:55

کراچی (اُردو پوائنٹ اخبارتازہ ترین - این این آئی۔ 03 اکتوبر2025ء) گورنر سندھ کامران خان ٹیسوری سے بنگلہ دیش کے نو تعینات ڈپٹی ہائی کمشنر محمد ثاقب صداقت نے گورنر ہاؤس کراچی میں ملاقات کی، جس میں دوطرفہ تعلقات، تجارت، سرمایہ کاری اور وفود کے تبادلوں سمیت باہمی دلچسپی کے امور پر تبادلہ خیال کیا گیا۔

(جاری ہے)

اس موقع پر گورنر سندھ کامران ٹیسوری نے کہا کہ پاکستان اور بنگلہ دیش کے تعلقات وقت کے ساتھ مزید مستحکم ہو رہے ہیں اور سفارتی روابط نے دونوں ممالک کو قریب لانے میں کلیدی کردار ادا کیا ہے۔

ملاقات کے دوران گورنر سندھ نے ڈپٹی ہائی کمشنر کو عوامی فلاحی اقدامات کے تحت فراہم کیے جانے والے راشن باکس کی اشیاء بھی دکھائیں، جس پر محمد ثاقب صداقت نے گورنر کے اقدامات کو سراہتے ہوئے کہا کہ گورنر سندھ کے عوامی خدمت کے اقدامات قابلِ تحسین ہیں۔بعد ازاں ڈپٹی ہائی کمشنر نے بابائے قوم قائداعظم محمد علی جناح کے تاریخی کمرے کا دورہ کیا اور وہاں موجود زیرِ استعمال اشیاء کا معائنہ کیا۔ انہوں نے مہمانوں کی کتاب میں اپنے تاثرات بھینقلمنبندنکیے۔