رینجرزسندھ کا سٹریٹ کرائم کے خلاف آپریشن کا سلسلہ جاری ،4ملزمان گرفتار،اسلحہ وموٹرسائیکلیں برآمد

اتوار 5 اکتوبر 2025 17:00

کراچی (اُردو پوائنٹ اخبارتازہ ترین - اے پی پی۔ 05 اکتوبر2025ء) پاکستان رینجرز (سندھ) کا اسٹریٹ کرائم کے خلاف آپریشن کا سلسلہ جاری ہے۔رینجرزسندھ نے خفیہ اطلاعات کی بنیاد پر کراچی کے علاقے ملیر جام گوٹھ اور بلال چورنگی سے اسٹریٹ کرائم اور موٹر سائیکل چھیننے کی متعدد وارداتوں میں ملوث 4ملزمان وجاہت عرف منا، ناصر عرف کاشف، عبدالواحداور فدا حسین عرف پیڈو کو گرفتار کر لیا۔

اتوار کو ترجمان سندھ رینجرز کے مطابق گرفتار ملزمان کے قبضے سے ایک عدد 9ایم ایم پسٹل، دو عدد میگزین بمعہ ایمونیشن، 4عد د چوری شدہ موٹر سائیکلیں، ایک عد د موٹر سائیکل کے پارٹس، 4عد د موبائل فونز اور نقدی بر آمد کرلی۔ابتدائی تفتیش کے دوران گرفتار ملزمان نے اعتراف کیا ہے کہ وہ اسلحہ کے زور پر شہریوں سے موبائل فون اور موٹر سائیکل چھیننے، پارکنگ اور گھروں کے باہر کھڑی موٹر سائیکلوں کے لاک توڑ کر چوری کرنے اور ڈکیتی کی متعدد وارداتوں میں ملوث رہے۔

(جاری ہے)

ملزمان نے ڈکیتیوں کے دوران متعدد افراد کو زخمی کرنے کا انکشاف بھی کیا ہے۔گرفتار ملزمان کوبمعہ غیر قانونی اسلحہ وایمونیشن، موٹر سائیکلیں، موٹر سائیکل پارٹس، موبائل فونز اور مسروقہ سامان سمیت مزید قانونی کارروائی کیلئے پولیس کے حوالے کر دیا گیا ہے۔رینجرز نے عوام سے اپیل کی ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔اطلاع دینے والے کا نام صیغہ راز میں رکھا جائے گا۔