پاک فوج نے برطانوی کیمبرین پیٹرول 2025ء میں گولڈ میڈل جیت لیا

کیمبرین پیٹرول 3 سے 13 اکتوبر 2025ء تک ویلز برطانیہ میں منعقد ہوئی

ذیشان مہتاب پیر 13 اکتوبر 2025 13:31

پاک فوج نے برطانوی کیمبرین پیٹرول 2025ء میں گولڈ میڈل جیت لیا

راولپنڈی (اردو پوائنٹ تازہ ترین اخبار ۔ 13 اکتوبر 2025ء ) پاکستان آرمی کی ٹیم نے برطانیہ کی بین الاقوامی مشق کیمبرین پیٹرول 2025ء میں گولڈ میڈل حاصل کر لیا۔

آئی ایس پی آر کے مطابق مشق کیمبرین پیٹرول 3 سے 13 اکتوبر 2025ء تک ویلز برطانیہ میں منعقد ہوئی، ایکسرسائز کیمبرین پیٹرول نے 66ویں سال بھی اپنے پیشہ ورانہ معیار کو برقراررکھا۔

(جاری ہے)

ایکسرسائز کیمبرین پیٹرول 2025ء میں 36 ممالک کی 137 ٹیموں نے حصہ لیا، پاکستان آرمی ٹیم کی قیادت کیپٹن محمد سعد نے کی، پاکستانی ٹیم نے غیر معمولی کارکردگی کی بنیاد پر میڈل جیتا۔

پاک فوج کے شعبہ تعلقات عامہ کے مطابق گولڈ میڈل حاصل کرنا پوری قوم اور پاک فوج کیلئے قابل فخر لمحہ ہے، پاک فوج اپنی اعلیٰ تعلیم اور پیشہ وارانہ تربیت کے حوالے سے جانی جاتی ہے، پاک فوج نے ملک کا پرچم ہمیشہ بلند رکھا اور آئندہ بھی رکھے گی۔

واضح رہے کہ کیمبرین پیٹرول ایکسرسائز دنیا کی مشکل ترین فوجی مشقوں میں شمار ہوتی ہے۔