وزیر اعظم شہباز شریف کا مادروطن کے دفاع میں جانوں کا نذرانہ پیش کرنے والے سکیورٹی فورسز کے 12 جوانوں کو خراج عقیدت

پیر 13 اکتوبر 2025 21:30

شرم الشیخ (اُردو پوائنٹ اخبارتازہ ترین - اے پی پی۔ 13 اکتوبر2025ء) وزیر اعظم محمد شہباز شریف نے مادر وطن کی سرحدوں کی حفاظت کرتے ہوئے اپنی جانوں کا نذرانہ پیش کرنے والے سکیورٹی فورسز کے 12 جوانوں کو خراج عقیدت پیش کرتے ہوئے شہداء کے درجات کی بلندی کے لئے دعا کی اوران کے اہل خانہ سے اظہار تعزیت کیا ہے، ان شہداء کی نماز جنازہ پیر کو ادا کی گئی۔

(جاری ہے)

وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ ان شہداء کی قربانیاں رائیگاں نہیں جائیں گی، مسلح افواج کی پیشہ ورانہ مہارت پر فخر ہے ،پاک فوج نے ہمیشہ ہر قسم کی بیرونی جارحیت کا منہ توڑ جواب دیا ہے، پوری قوم پاکستان کی سکیورٹی فورسز کے ساتھ کھڑی ہے اور شہداء کو سلام پیش کرتی ہے۔ وزیراعظم نے دہشت گردوں کے خلاف کارروائیوں میں زخمی ہونے والے سکیورٹی فورسز کے جوانوں کی جلد صحت یابی کے لئے بھی دعا کی ہے۔