مسلم لیگ (ن) نے گلگت بلتستان اور آزاد کشمیر انتخابات کیلئے پارلیمانی بورڈز تشکیل دے دیئے

نواز شریف کی سربراہی میں 23، 23رکنی بورڈز امیدواروں کے انتخاب اور ٹکٹوں کی منظوری کے مجاز ہوں گے‘نوٹیفکیشن

جمعرات 16 اپریل 2026 19:05

لاہور (اُردو پوائنٹ اخبارتازہ ترین - این این آئی۔ 16 اپریل2026ء) پاکستان مسلم لیگ (ن) نے گلگت بلتستان اور آزاد جموں و کشمیر الیکشن کے لئے پارلیمانی بورڈز تشکیل دے دیئے ۔

(جاری ہے)

نوٹیفکیشن کے مطابق صدر مسلم لیگ (ن) میاں نواز شریف کی سربراہی میں قائم کیے گئے بورڈز آئندہ انتخابات میں حصہ لینے والے امیدواروں کے انتخاب اور انہیں پارٹی ٹکٹ جاری کرنے کے مجاز ہوں گے۔پارلیمانی بورڈز میں شہباز شریف، اسحاق ڈار، مریم نواز شریف، حمزہ شہباز شریف اور دیگر سینئر رہنمائوں کو شامل کیا گیا ہے۔ دونوں بورڈز اپنے اپنے علاقوں میں سیاسی سرگرمیوں کو بھی مانیٹر کریں گے۔نوٹیفکیشن کے مطابق گلگت بلتستان اور آزاد کشمیر کے لیے 23، 23رکنی پارلیمانی بورڈز تشکیل دیئے گئے ہیں۔