دفاع وطن کے لئے پاکستان کی سیاسی وعسکری قیادت کاغیر متزلزل عزم کااعادہ

جمعرات 30 اپریل 2026 23:09

اسلام آباد(اُردو پوائنٹ اخبارتازہ ترین - آن لائن۔ 30 اپریل2026ء) دفاع وطن کے لئے پاکستان کی سیاسی وعسکری قیادت کاغیر متزلزل عزم کااعادہ کیا گیا ہے اورعالمی ماہرین کا کہنا ہے کہ پاکستان کی سیاسی و عسکری قیادت نے اپنے عزم کو بہترین حکمت عملی کے تحت سچ ثابت کیا اورجو کہا وہ کر کے بھی دکھایا۔پاکستان نے پہلگام واقعہ کی شفاف انکوائری کی پیشکش کے ساتھ ہر اشتعال انگیزی پرسخت اور فیصلہ کن جواب دینے کے عزم کا اعادہ بھی کیاہے۔

نائب وزیراعظم اسحاق ڈار اور ڈی جی آئی ایس پی آر نے 30 اپریل 2025 کو بھارتی اشتعال انگیزی کی صورت میں واضح اور دو ٹوک پیغام دیا ۔نائب وزیراعظم اسحاق ڈار کا کہنا تھا کہ ہماری مسلح افواج الرٹ ہیں اور قومی سلامتی کمیٹی کا غیر متزلزل عزم بھی موجود ہے ۔

(جاری ہے)

اگر بھار ت کی جانب سے کسی بھی قسم کی اشتعال انگیزی کی کوشش کی گئی تو اس کا جواب انتہائی سخت اور شدید ہو گا۔

نائب وزیراعظم اسحا ق ڈارنے کہا کہ بھارت کی جانب سے کسی بھی مہم جوئی کا جواب اپنے وقت اور اپنی منتخب کردہ جگہ پرموثر اور فیصلہ کن دیں گے۔ڈی جی آئی ایس پی آر نے بھی اس پریس کانفرنس میں واضح اور دوٹوک موقف میں کہا کہ ہم تیار ہیں اور ہم ہر ڈومین میں بھارت کی تمام ترسرگرمیوں پر کڑی نظر رکھے ہوئے ہیں ۔ڈی جی آئی ایس پی آرکے مطابق انسداد دہشتگردی، غیر عسکری میدان، انفارمیشن آپریشن ، فضا، زمین اور سمندر ہر جگہ جوابی اقدامات نافذ العمل ہے اور ہمارا جواب انتہائی موثر اور فیصلہ کن ہوگا، کسی بھی بلااشتعال جارحیت پر ہمارا پیغام واضح ہے،'' ہم تیار ہیں آزمانہ نہیں''۔

عالمی ماہرین کے مطابق اللہ کی مدد اور نصرت، پاکستانی عوام اور افواج کے غیر متزلزل عزم نے بھارت کے غرور خاک میں ملادیا ۔پاکستان کی سیاسی و عسکری قیادت نے اپنے عزم کو بہترین حکمت عملی کے تحت سچ ثابت کیا اورجو کہا وہ کر کے بھی دکھایا۔