Live Updates

آبنائے ہرمز امریکی 'قزاقوں' کا قبرستان بن جائے گا، ایران کی دھمکی

ٹرمپ کے پاس اب صرف دو ہی راستے ہیں، یا تو وہ ایک ایسی فوجی مہم جوئی کریں جو ناممکن ہے، یا پھر ایران کے ساتھ ایک 'برا معاہدہ' قبول کرلیں؛ ایرانی پاسدران انقلاب کا بیان

ساجد علی اتوار 3 مئی 2026 19:09

آبنائے ہرمز امریکی 'قزاقوں' کا قبرستان بن جائے گا، ایران کی دھمکی

تہران (اُردو پوائنٹ اخبارتازہ ترین۔ 03 مئی 2026ء) تہران اور واشنگٹن کے درمیان بڑھتی ہوئی کشیدگی کے دوران ایرانی حکام کی جانب سے سخت بیانات سامنے آئے ہیں، جن میں امریکہ کو آبنائے ہرمز میں "سمندری قزاقی" پر سنگین نتائج کی دھمکی دی گئی ہے۔ عالمی میڈیا کے مطابق ایران کی طاقتور ترین شخصیات اور پاسدارانِ انقلاب (IRGC) نے صدر ڈونلڈ ٹرمپ کو خبردار کیا ہے کہ آبنائے ہرمز کی ناکہ بندی کرنے والی امریکی افواج کو عبرت کا نشان بنا دیا جائے گا، امریکہ کے پاس اب صرف دو ہی راستے بچے ہیں، جن میں ایک ناممکن جنگ یا پھر ایران کے ساتھ امریکہ کے بقول ایک 'برا معاہدہ' شامل ہے۔

The U.S. is the only pirate in the world that possesses aircraft carriers. Our ability to confront pirates is no less than our ability to sink warships.
Prepare to face a graveyard of your carriers and forces, just as the wreckage of your aircraft was left behind in Isfahan.
— محسن رضایی (@ir_rezaee) May 3, 2026

ایران کی مصلحت کونسل کے سیکرٹری اور پاسدارانِ انقلاب کے سابق سربراہ محسن رضائی نے سوشل میڈیا پلیٹ فارم 'ایکس' پر اپنے بیان میں امریکی افواج کو "قزاق" قرار دیا، انہوں نے کہا کہ "امریکہ دنیا کا واحد قزاق ہے جس کے پاس طیارہ بردار بحری جہاز ہیں، قزاقوں کا مقابلہ کرنے کی ہماری صلاحیت جنگی جہازوں کو غرق کرنے کی صلاحیت سے کسی طور کم نہیں ہے"۔

(جاری ہے)

انہوں نے گزشتہ ماہ اصفہان میں امریکی F 15E طیارے کے گرائے جانے کا حوالہ دیتے ہوئے کہا کہ امریکہ اپنے فوجیوں اور بحری بیڑوں کے قبرستان کے لیے تیار ہو جائے، بالکل اسی طرح جیسے اس کے طیارے کا ملبہ اصفہان میں بکھرا رہ گیا تھا۔

BREAKING: President Trump's choice limited to 'impossible' military operation or 'bad deal' with Iran, Revolutionary Guard says

🔴 LIVE updates: https://t.co/Bb0sWBJhYC pic.twitter.com/M1Y1H2JuLD
— Al Jazeera Breaking News (@AJENews) May 3, 2026

اسی طرح ایرانی پاسدارانِ انقلاب کے انٹیلیجنس یونٹ نے ایک بیان میں کہا ہے کہ امریکہ کے لیے فیصلے کی گھڑی اب بہت تنگ ہو چکی ہے، ایران نے امریکی فوج کو اپنی بندرگاہوں کی ناکہ بندی ختم کرنے کے لیے ایک مخصوص ڈیڈ لائن دے دی ہے (جس کی تاریخ خفیہ رکھی گئی ہے)، واشنگٹن کے خلاف چین، روس اور یہاں تک کہ یورپ کے لہجے میں بھی تبدیلی آ رہی ہے، جس سے امریکہ تنہا ہو رہا ہے، ٹرمپ کے پاس اب صرف دو ہی راستے ہیں، یا تو وہ ایک ایسی فوجی مہم جوئی کریں جو ناممکن ہے، یا پھر اسلامی جمہوریہ ایران کے ساتھ ایک 'برا معاہدہ' قبول کرلیں۔