معرکہ حق پر پنجاب اسمبلی کا خصوصی اجلاس پیر کو طلب

کامیاب سفارتکاری اور افواجِ پاکستان کی خدمات کو خراجِ تحسین پیش کیا جائے گا

جمعہ 8 مئی 2026 23:58

لاہور (اُردو پوائنٹ اخبارتازہ ترین - آن لائن۔ 08 مئی2026ء) معرکہ حق کی پہلی سالگرہ کے موقع پر پنجاب اسمبلی کا خصوصی اجلاس پیر 11 مئی کو دوپہر 2 بجے طلب کر لیا گیا ہے، جس کا ایجنڈا شمعرکہ حق، ون نیشن ون وائسص جاری کر دیا گیا۔خصوصی اجلاس میں معرکہ حق کے دوران پاکستان کی تاریخی کامیابیوں، قومی اتحاد اور یکجہتی کے پیغام کو اجاگر کیا جائے گا۔

(جاری ہے)

اجلاس کے دوران وزیراعظم پاکستان محمد شہباز شریف کی قیادت میں کامیاب سفارتکاری کو سراہا جائے گا جبکہ فیلڈ مارشل سید عاصم منیر کی قیادت میں افواجِ پاکستان کی شاندار اور تاریخی کامیابیوں کو خراجِ تحسین پیش کیا جائے گا۔

اجلاس میں قوم اور افواجِ پاکستان کی قربانیوں کو خراجِ عقیدت پیش کرتے ہوئے ملکی سلامتی، قومی یکجہتی اور پاکستان کی کامیابی پر اظہارِ تشکر بھی کیا جائے گا۔خصوصی اجلاس کی صدارت سپیکر پنجاب اسمبلی ملک محمد احمد خان کریں گے، جبکہ اراکین اسمبلی قومی یکجہتی اور ملکی استحکام کے حوالے سے اپنے خیالات کا اظہار بھی کریں گے۔